Ընկուզեղենի օգտին մսից հրաժարվելը կօգնի ավելի երկար ապրել. հետազոտություն
Օրական մսի ընդամենը մեկ բաժինը մեկ բուռ ընկույզով փոխարինելը 17 տոկոսով նվազեցնում է վաղաժամ մահվան հավանականությունը: Այս մասին հայտնում են Օհայոյի համալսարանի առողջ սնվելու ոլորտի փորձագետները:
Նրանց խոսքով` եթե մարդու սննդակարգը ընդամենը 20 տոկոսով բարելավվի, դա վաղաժամ մահվան հավանականությունը կկրճատի 8-17 տոկոսով: Այս էֆեկտին հասնելու համար բավական է ընդամենը մսի մեկ բաժինը փոխարինել մեկ բուռ ընկույզով կամ մեկ ճաշի գդալ գետնընկույզի յուղով: Հետազոտության հեղինակներն ընդգծում են, թե ամենեւին պարտադիր չէ, որ մարդիկ առողջության դրական հետեւանքների հասնելու համար արմատականորեն հրաժարվեն սովորական սննդակարգից: Սակայն անհրաժեշտ է հիշել, որ առեղջ սննդակարգը պետք է բավարար քանակությամբ մրգեր, բանջարեղեն, հատիկաբույսեր, ընկուզեղեն եւ լոբազգիներ պարունակի, իսկ ահա կարմիր ու մշակված մսի, քաղցր ըմպելիքների ու բարձրզտման ենթարկված հատիկաբույսերի, օրինակ` ցորենի եւ սպիտակ բրինձի օգտագործումը ցանկալի է նվազեցնել մինչեւ նվազագույն քանակ:
Օհայոյի համալսարանի գիտնականներն իրենց հետազոտության մեջ ներգրավել էին 30-ից մինչեւ 55 տարեկան 48 հազար կանանց եւ 40-ից մինչեւ 75 տարեկան գրեթե 26 հազար տղամարդկանց: Հետազոտության բոլոր մասնակիցները դիտարկումների մեկնակի պահին հարցաշար են լրացրել, այնուհետեւ դա կրկնել են յուրաքանչյուր 4 տարին մեկ: Դիտարկումներն ընդհանուր առմամբ շարունակվել են 12 տարի: Հարցաշարերով պարզվել է, թե հետազոտության մասնակիցներն անցած տարում որքան հաճախակի են օգտագործել այս կամ այն սննդամթերքը: Երբ գիտնականները ստացած տվյալները համադրել են, ապա նկատել են, որ սննդակարգում նույնիսկ աննշան փոփոխությունները վաղաժամ մահվան հավանականությունը նվազեցնում են:
Սակայն եթե մարդիկ սննդակարգի ավելի ծավալուն փոփոխություն են կատարել եւ անցել միջերկրածովյան դիետային, որը մեծ քանակությամբ ծովամթերք, բանջարեղեն եւ ձիթապտղի յուղ է պարունակում, ապա քրոնիկական հիվանդությունների առաջացման եւ վաղաժամ մահվան հավանականությունը է´լ ավելի է նվազել: Սա նկատվել է նույնիսկ հաշվի առնելով այլ գործոնները, ինչպիսին են` ֆիզիկական ծանրաբեռնվածությունները եւ վնասակար սովորությունները:
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Վանաձորի մի շարք հասցեներում գազանջատումներ կլինեն
Երբ Իրանը գալիս է մեր բանակցողների մոտ, նրանք խոսում են միայն կանխիկի մասին. Ուոլց
Հայաստանում ամառային հանգիստը որքանո՞վ է հասանելի միջին ընտանիքին
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Ջրափրկարարները քաղաքացուն անվնաս դուրս են բերել ափ
Գեղարքունիքի մարզում կասեցվել է գազավորված ըմպելիքների արտադրամասի գործունեությունը․ ՍԱՏՄ