Ալմաթիում բացվել է «Հայաստանի գունապնակը» ցուցահանդեսը
2026 թվականի օգոստոսի 12-ին Ալմաթիում տեղի է ունեցել «Հայաստանի գունապնակը․ Ղազախստանի Հանրապետության Աբիլխան Կաստեևի անվան արվեստի ազգային թանգարանի հավաքածուից» ցուցահանդեսի բացումը, որը կազմակերպվել է Ղազախստանի Հանրապետությունում Հայաստանի Հանրապետության դեսպանության և Ալմաթիում Հայաստանի Հանրապետության պատվավոր հյուպատոսության աջակցությամբ:
Ցուցահանդեսում ներկայացված են թանգարանի ֆոնդերում պահվող հայ նկարիչների աշխատանքները: Ցուցադրությունը ընդգրկում է գեղանկարչական, քանդակագործական և դեկորատիվ-կիրառական արվեստի գործեր, որոնք արտացոլում են 20-րդ դարի հայկական արվեստի զարգացման հիմնական ուղղությունները: Ներկայացված հեղինակների թվում են Հովհաննես Այվազովսկին, Մարտիրոս Սարյանը, Մինաս Ավետիսյանը, Դմիտրի Նալբանդյանը, Մարիամ Ասլամազյանը, Ալեքսանդր և Լավինիա Բաժբեուկ-Մելիքյանները և հայ արվեստի այլ վարպետներ: Այս մասին տեղեկացնում են Ղազախստանում ՀՀ դեսպանությունից:
Բացելով ցուցահանդեսը՝ Աբիլխան Կաստեևի անվան արվեստի ազգային թանգարանի տնօրեն Գուլաիմ Ժումաբեկովան ընթերցել է Ղազախստանի Հանրապետության փոխվարչապետ, մշակույթի և տեղեկատվության նախարար Աիդա Բալաևայի ողջույնի խոսքը։ Ուղերձում մասնավորապես նշվել է. «Ղազախստանին և Հայաստանին կապում են ավանդաբար ջերմ հարաբերություններ, որոնք հիմնված են փոխադարձ հարգանքի, բարեկամության և բազմամյա մշակութային-հումանիտար համագործակցության վրա։ Ընդգծվել է, որ հայ վարպետների՝ Ղազախստանի առաջատար թանգարաններից մեկում պահվող աշխատանքները Ղազախստանի և Հայաստանի միջև վաղեմի մշակութային կապերի ևս մեկ վկայություն են»։
Ողջունելով ցուցահանդեսի հյուրերին՝ Ղազախստանում Հայաստանի դեսպան Արմեն Ղևոնդյանը նշել է, որ ներկայացված յուրաքանչյուր աշխատանք հիշողության, բարեկամության և Հայաստանի ու Ղազախստանի ժողովուրդների պատմամշակութային ժառանգության փոխադարձ հարստացման յուրօրինակ կամուրջ է: Հայաստանի դիվանագիտական առաքելության ղեկավարը նաև երախտագիտություն է հայտնել ցուցահանդեսի կազմակերպիչներին՝ նախագծի իրականացմանն աջակցելու, ինչպես նաև անցյալ դարի կեսերից Ղազախստանի արվեստի ազգային թանգարանի ֆոնդերը հարստացնող հայ արվեստագետների ստեղծագործությունների հանդեպ ցուցաբերվող հոգատար վերաբերմունքի համար:
Ցուցահանդեսի բացման արարողությանը մասնակցեցին հայ համայնքի և ստեղծագործական մտավորականության ներկայացուցիչներ, Ալմաթիում հավատարմագրված մի շարք օտարերկրյա պետությունների գլխավոր և պատվավոր հյուպատոսությունների ղեկավարներ ու ներկայացուցիչներ:
Ցուցահանդեսը կգործի մինչև ընթացիկ տարվա սեպտեմբերի 3-ը:
Լույսն ամենաթանկ նվերն է, որ կարող ես տալ մարդուն
Ով կներկայացնի Հայաստանն այս տարի «Մանկական Եվրատեսիլ» մրցույթում
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Դեպի Երևան․ ինչպե՞ս (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Երթևեկության կազմակերպման փոփոխություն՝ Վարդանանց փողոցում
Տուրիստ չեմ` ավտոբուս չկա
Առաջին նոր երգ` հարսանիքից հետո
Շարունակում ենք ստուգայցերը ՊՆ զորամասեր (տեսանյութ)
Էլեկտրաէներգիայի ընդհատումներ կլինեն Երևանում և մարզերում