Վարչապետ Նիկոլ Փաշինյանն օգոստոսի 13-ին կառավարության նիստից հետո, պատասխանելով «Ռադիոլուրի» հարցին, անդրադարձել է ադրբեջանցի մասնագետների՝ Հայաստան կատարած այցերին, Մեծամորի ատոմակայանի ապագային և Հայաստանի էներգետիկ ռազմավարությանը։
Ադրբեջանցի մասնագետների այցերի վերաբերյալ Փաշինյանը նշել է, որ Հայաստանի և Ադրբեջանի միջև ենթակառուցվածքների շուրջ երկկողմ աշխատանք է իրականացվում։
Նա ընդգծել է, որ 2025 թվականի սեպտեմբերի 5-ին ադրբեջանցիների՝ ՀՀ այցի մասին եղել է մամուլի հաղորդագրություն, որ տեղի է ունեցել Հայաստանի և Ադրբեջանի պատվիրակությունների հանդիպումը և աշխատանքային պրոցեսներ են տեղի ունեցել երկու երկրների տարածքում։
«Եվս մեկ այց էլ է եղել, որի մասին էլի եղել է հաղորդագրություն՝ հունվարի 15-ին, այս անգամ արդեն երկաթուղու հարցով։ Նախկինում էլ ասել ենք, որ էլեկտրահաղորդման գծեր, խողովակաշարեր, մալուխներ, երկաթգիծ. այդ թեմաներով աշխատում ենք, տեղի է ունենում երկկողմ աշխատանք»։
Անդրադառնալով Մեծամորի ատոմակայանի փակման հարցին՝ վարչապետը շեշտել է, որ դրա վերաբերյալ որևէ նոր պայմանավորվածություն չկա։
«Մեծամորի ատոմակայանի շահագործման ժամկետն արձանագրված է, այդ թվում՝ Հայաստանի միջազգային պայմանագրերում, որոնք կնքվել են մեզնից առաջ, և այստեղ ոչ մի նորություն չկա»,- ասել է նա։
Փաշինյանը նշել է, որ Հայաստանի էլեկտրաէներգիայի պահանջարկը կարող է աճել՝ հաշվի առնելով արհեստական բանականության գործարանների կառուցումը։
«Նախկինում միշտ ասել ենք, որ Հայաստանն ունի էլեկտրաէներգիայի ավելցուկ։ Այժմ Հայաստանը կարող է ունենալ էլեկտրաէներգիայի պահանջարկ, քանի որ մեծ տեմպով կառուցվում են ԱԲ գործարանները, որոնք պահանջում են նոր միջոցներ»,- ասել է վարչապետը։ Նրա խոսքով՝ Հայաստանի էներգետիկ ռազմավարությունը 100-տոկոսանոց էներգետիկ անկախության հասնելն է։
Ադրբեջանի նախագահ Իլհամ Ալիևն օգոստոսի 11-ին Նախիջևան կատարած այցի ընթացքում անդրադարձել էր մի շարք թեմաների, այդ թվում՝ Մեծամորի ատոմակայանի փակմանը, էներգետիկ առևտրին և ադրբեջանցի մասնագետների այցին Հայաստան։
Ալիևը հայտարարել էր, որ «Ադրբեջանը կարող է էներգետիկ պահանջների այլընտրանք ապահովել Հայաստանի համար»։
Բնակարանների վարձակալության կեղծ հայտարարություններով քաղաքացիներից գումար են հափշտակում (տեսանյութ)
Բիշքեկում ընթանում է Նիկոլ Փաշինյանի և Իլհամ Ալիևի հանդիպումը (տեսանյութ)
Սեպտեմբերի 1-ից տեսական քննությունները կանցկացվեն ըստ կարգերի խմբավորված հարցաշարերի
Փաշինյանը Մոդիի հետ քննարկել է մի շարք ոլորտներում համագործակցության զարգացմանը վերաբերող հարցեր (տե...
Ռեալը կարգապահական վարույթ է սկսել թիմի պաշտպան Ռաուլ Ասենսիոյի դեմ
Արգենտինայում հաջորդ տուրի ֆուտբոլային բոլոր խաղերը 1 րոպեով կընդհատվեն՝ ի պատիվ Մեսիի
Բրեդլի Բարկոլան պաշտոնապես «Լիվերպուլի» կազմում է
Բարսելոնան ներկայացրել է թիմի վերջնական հայտացուցակն առաջիկա մրցաշրջանի համար
Քննարկվել է ԱՄՆ-Ռուսաստան երկկողմ գործակցությունը ֆինանսական ոլորտում
Ես կնախընտերեի Կվարացխելիային «Պարի Սեն-Ժերմենից». Միշել Պլատինի