Իրանցի հանճարեղ մաթեմատիկոս Մարիամ Միրզախանին մահացել է

«Մեհր» գործակալության հաղորդման համաձայն, շաբաթ օրը՝ հուլիսի 15-ին, հիվանդության դեմ երկարատեւ պայքարից հետո ԱՄՆ-ի հիվանդանոցներից մեկում մահացել է իրանցի հանճարեղ մաթեմատկոս Մարիամ Միրզախանին: 

Մարիամ Միրզախանին 2008 թվականից աշխատում էր Ստենֆորդի համալսարանում որպես պրոֆեսոր:

2014 թվականին Միրզախանին դարձել է առաջին կինը, ով ստացել է Ֆիլդսի մեդալ՝ ամենահեղինակավոր մրցանակն այս գիտության բնագավառում:

1994 և 1995 թվականներին Միրզախանին երկու իրար հաջորդող միջազգային մաթեմատիկական օլիմպիադաներում պարգևատրվել է ոսկե մեդալով։ 1995 թվականին նա առաջին իրանցի աշակերտուհին էր, ում հաջողվել էր գրանցել բացարձակ արդյունք միջազգային օլիմպիադայում։

2005 թվականին Մարիամ Միրզախանի մեծարվել է ամերիկյան Popular Science պարբերականի կողմից:

Top-News.am