Նավալնին պնդում է՝ հատուկ ծառայությունները հետապնդում են իր ընտանիքին

Ռուսաստանցի ընդդիմադիր Ալեքսեյ Նավալնին Reuters լրատվական գործակալության հետ զրույցում պատմել է, որ ռուսաստանյան հատուկ ծառայությունները անընդհատ հետապնդում են իր ընտանիքի անդամներին, այդ թվում՝ երկու երեխաներին:

Նավալնին նշել է, որ հատուկ ծառայությունների մեծ թվով աշխատակիցներ իր շուրջն էին կենտրոնացել հատկապես հունիսի 12-ի ցույցերի նախաշեմին: Այդ օրը Ռուսաստանի տարբեր քաղաքներում հակակոռուպցիոն ակցիաներ են տեղի ունեցել, որոնք կազմակերպել էին Ալեքսեյ Նավալնիի կողմնակիցները: Բողոքի ակցիաներին հաջորդեցին ձերբակալություններ և քրեական գործեր: Նավալնին նույնպես ձերբակալվել էր և 25 օրվա ազատազրկման դատապարտվել:

Հարցազրույցում Նավալնին վստահություն է հայտնել, թե գրանցվելու է որպես Ռուսաստանի նախագահի թեկնածու՝ 2018 թվականի ընտրություններին մասնակցելու նպատակով: Նրա խոսքով՝ այժմ ինքը փորձում է համոզել բոլորին, որ եթե իրեն թույլ չտան մասնակցել ընտրություններին, ապա «չի կարելի դրանք ընտրություններ համարել»:

Ավելի վաղ Ռուսաստանի կենտրոնական ընտրական հանձնաժողովի նախագահ Էլլա Պամֆիլովան հայտարարել է, թե ընդդիմադիր գործիչ Ալեքսեյ Նավալնին «չունի շանսեր» որպես թեկնածու գրանցվելու՝ դատվածության պատճառով: Խոսքը «Կիրովլեսի գործի» մասին է, որը, ըստ ընդդիմադիր գործչի, շինծու գործ է:

Այս թեմայով Ռուս ընդդիմադիր գործիչ Ալեքսեյ Նավալնին բանտում մահացել է Նավալնիին բժշկական օգնություն ցուցաբերած ռուս բժիշկը հանկարծամահ է եղել Նավալնին դուրս գրվեց Բեռլինի հիվանդանոցից «Մարդկանց չէի ճանաչում, չէի հասկանում՝ ինչպես խոսել»․ Նավալնին պատմել է թունավորումից հետո ապաքինման ընթացքի մասին Բորել. Նավալնու թունավորումը ցնցել է Եվրամիությունում բոլորին