ԵԱՀԿ ՄԽ համանախագահները Հայաստանի եւ Ադրբեջանի ԱԳՆ ղեկավարների հետ քննարկել են անձնական հանդիպման հնարավորությունը
ԵԱՀԿ Մինսկի խմբի համանախագահները (Իգոր Պոպովը՝ Ռուսաստանի Դաշնությունից, Ստեֆան Վիսկոնտին՝ Ֆրանսիայից եւ Էնդրյու Շոֆերը՝ Ամերիկայի Միացյալ Նահանգներից) սեպտեմբերի 14-ին ինտենսիվ խորհրդակցություններ են անցկացրել Փարիզում: Դրանց մասնակցել է նաեւ ԵԱՀԿ գործող նախագահի անձնական ներկայացուցիչ Անջեյ Կասպրշիկը
Համանախագահները քննարկել են իրավիճակը տարածաշրջանում՝ հատուկ ուշադրություն դարձնելով հուլիսի կեսերին հայ-ադրբեջանական սահմանին բռնությունների սրումից հետո նոր զարգացումների վրա: Համանախագահները ուշադիր ուսումնասիրել եւ գնահատել են կողմերի անձնական ու հանրային ուղերձներն ու մտահոգությունները: Անջեյ Կասպրշիկը համանախագահներին տեղեկացրել է տեղերում անվտանգության ոլորտում իրավիճակի մասին, եւ ողջունել են դիտորդական գործունեության վերսկսման համար նրա կոնկրետ նախապատրաստությունները:
Համանախագահները առանձին հեռախոսազրույցներ են ունեցել Հայաստանի արտգործնախարար Զոհրաբ Մնացականյանի եւ Ադրբեջանի արտգործնախարար Ջեյհուն Բայրամովի հետ եւ նախարարներին հրավիրել են առաջիկա շաբաթներին անձամբ հանդիպել համանախագահների հետ` իրենց դիրքորոշումներն ավելի հստակեցնելու համար՝ առանց նախապայմանների լուրջ բովանդակային բանակցությունները վերսկսելու նպատակով:
Համանախագահները շարունակում են ակտիվորեն եւ լիարժեք մասնակցել խաղաղ եւ համապարփակ կարգավորման բանակցությունների աջակցությանը՝ համաձայն ԵԱՀԿ-ում իրենց մանդատի:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան