Թրամփի այցի պատճառով Էյֆելյան աշտարակը կփակեն

Փարիզի գլխավոր տեսարժան վայրը՝ Էյֆելյան աշտարակը մինչեւ հուլիսի 15-ը փակ կլինի այցելուների համար: Պատճառը Ֆրանսիա ԱՄՆ նախագահ Դոնալդ Թրամփի աշխատանքային այցն է, գրում է ՌԻԱ Նովոստին:

«Բացառության կարգով ես հուլիսի 13-ի ժամը 14:30-ից մինչեւ հուլիսի 14-ը ներառյալ փակ եմ լինելու: Ես կրկին դռներս կբացեմ հուլիսի 15-ին ժամը 9:00-ին»,- ասված է Էյֆելյան աշտարակի Twitter-ի պաշտոնական էջում:

Ավելի վաղ հաղորդվել էր, որ հուլիսի 13-ի երեկոյան Ֆրանսիայի նախագահ Էմանուել Մակրոնը կնոջ հետ Դոնալդ եւ Մելանյա Թրամփերի հետ հանդիպելու է Էյֆելյան աշտարակի երկրորդ հարկում գործող Jules Verne ռեստորանում:

 NEWS.am