«Ինձնից շատ ես խոսում». Էրդողանը վիրավորել է իրեն «դժվար» հարցեր տվող BBC-ի հաղորդավարուհուն

Թուրքիայի նախագահ Ռեջեփ Թայիփ Էրդողանը վիրավորել է իրեն «դժվար» հարցեր տվող BBC-ի հաղորդավարուհուն:

Թուրքական Diken պարբերականին փոխանցմամբ, BBC-ի «Hard Talk» (Ծանր զրույց) ծրագրին հյուրընկալված Թուրքիայի նախագահ Ռեջեփ Թայիփ Էրդողանին զայրացրել է ծրագիրը վարող Զեյնաբ Բադավիի հարցը՝ Թուրքիայում 160 լրատվամիջոցների փակման եւ 2500 լրագրողների բանտարկված լինելու մասին:
«Ինձնից շատ ես խոսում, ինձնից ազատ ես: Ինձ ազատության իրավունք չես տալիս: Ինձ հետ հարցազրույց ես վարում, ինձ խոսելու առիթ չես տալիս»,-վրդովվել է Էրդողանը:
Ընդամենը երկու լրագրողի բանտարկության փաստն ընդունող էրդողանը մնացածների մասին այսպես է արտահայտվել. «Նրանք իրենց հիմնարկից բեյջ ունեն, բայց պաշտոնապես մամուլի վկայական չունեն: Իրենց հիմնարկի բեյջերով պնդում են, որ լրագրող են: Ձեր ասած 160 թիվը սուտ է, դա բազմիցս ասել ենք: Նրանք դատական համակարգ, ոստիկանություն եւ լրատվամիջոցներ ներթափանցած հանցավոր կազմակերպության անդամներ են, որոնց նպատակը կառավարությունը տապալելն է»:

NEWS.am