ԱԳՆ ղեկավար. Միակողմանի զիջումները բացառվում են
Հայաստանի արտգործնախարար Զոհրաբ Մնացականյանը համաձայն չէ այն տեսակետի հետ, որ «Հայաստանին, ըստ էության, այնքան էլ պետք չէ կարգավորել Լեռնային Ղարաբաղի հարցը, իբր՝ հողերը վերցված են, եւ ստատուս-քվոն ձեռնտու է»:
«Ես չեմ կարող համաձայնել այս կարծիքի հետ: Ե՛ւ Հայաստանը, եւ՛ Լեռնային Ղարաբաղը շահագրգռված են տարածաշրջանում կայուն խաղաղության հաստատմամբ: Դա հնարավոր է փոխզիջումների հիման վրա խաղաղ համաձայնության գալով: Միակողմանի զիջումները բացառվում են, դրանք չեն կարող հեռանկար ունենալ: Եվ մենք չենք կարող շահագրգռված լինել մի իրավիճակով, երբ տարածաշրջանում խաղաղությունն ու անվտանգությունը չունեն կայուն երկարաժամկետ հիմքեր: Այս իմաստով, խաղաղ բանակցային գործընթացը մեզ համար եղել եւ մնում է կարեւոր առաջնահերթություն՝ այս հակամարտության կարգավորման համար»,- «Ինտերֆաքս»-ին տված հարցազրույցում ասաց արտգործնախարարը:
Գնահատելով ԵԱՀԿ Մինսկի խմբի դերը՝ արտգործնախարարը նշեց, որ 90-ականների կեսերից ԵԱՀԿ Մինսկի խմբի համանախագահների ձեւաչափը, որի մեջ մտնում են Ռուսաստանը, ԱՄՆ-ը եւ Ֆրանսիան, եղել եւ մնում է բանակցային գործընթացի միակ ձեւաչափը: Եվ դա ունի կոնկրետ արդյունքներ: Այն միջազգային հանրության կողմից ճանաչված ձեւաչափ է եւ ներառում է ՄԱԿ Անվտանգության խորհրդի երեք մշտական անդամների: Երեք երկրներ, որոնք ունեն քաղաքական, դիվանագիտական բավականաչափ ուժեղ ռեսուրս` միջնորդության գործառույթն իրականացնելու համար: Այս երկրների ներգրավվածությունը շարունակում է շատ ամուր մնալ: «Տարիների ընթացքում մշակվել է մի ամբողջ մեխանիզմ, տարբեր չափորոշիչների եւ մոտեցումների մի ամբողջ հավաքածու, որոնք ապահովում են այն շրջանակը, որտեղ հնարավոր է փոխզիջումային տարբերակ մշակել: Շոշափելի եւ իրական փոխզիջում: Այս իմաստով մենք շարունակում ենք եւ շարունակելու ենք աջակցել այս միջնորդական ձեւաչափին: Ռուսաստանի Դաշնությունը Մինսկի խմբի համանախագահներից մեկն է: Ռուսական կողմի ջանքերը շատ արդյունավետ էին, դա դրսեւորվեց ինչպես հուլիսյան իրադարձությունների ժամանակ, այնպես էլ դրանցից առաջ: Վստահ եմ, որ Ռուսաստանի ներգրավվածությունը բոլոր մակարդակներում ընդգծում է այդ գործընթացի նկատմամբ Ռուսաստանի լրջությունը եւ այն կարեւոր ներդրումը, որ Ռուսաստանը, մյուս համանախագահների հետ միասին, ապահովում է խաղաղ կարգավորման գործընթացում: Այստեղ մեզ մոտ ոչ մի հարց չի ծագում, եւ համանախագահների աշխատանքը կասկածի տակ դնելու ցանկացած փորձ, որը, իմիջիայլոց, կարեւոր կանխարգելում է սրացման, ինչպես նաեւ առկա ձեւաչափի վրա ճնշում գործադրելու համար, անընդունելի է»,- ասաց Զոհրաբ Մնացականյանը:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան