Իշխանությունն իր համար վստահելի և ենթարկվող դատական համակարգ է ստեղծում. Ավետիք Իշխանյան
Իմ համոզմամբ՝ այն, ինչ կատարվեց մեկ տարի առաջ Սահմանադրական դատարանի հետ, այդ անօրինականությունները և ոչ հավատարիմ ՍԴ անդամներից ազատվելու համար կատարված գործողությունները, բերեց ՍԴ-ի ճգնաժամի և շատ մեծ հավանականություն կա, որ ՄԻԵԴ-ը որոշում կկայացնի, պետության դեմ. Tert.am-ի հետ զրույցում ասաց իրավապաշտպան Ավետիք Իշխանյանը՝ անդրադառնալով սահմանադրական բարեփոխումներով նախատեսվող ՀՀ Սահմանադրական և Վճռաբեկ դատարանների միավորման հայեցակարգին:
«Եթե ՄԻԵԴ-ը ՍԴ անդամների բողոքը բավարարի, այդ ժամանակ հարց է առաջանալու, որ ճգնաժամը արհեստականորեն ստեղծված էր: Եվ ես կարծում եմ, որ եթե անգամ ՄԻԵԴ-ի որոշումը լինի, թերևս փոխհատուցում կտան, բայց այդ ժամանակ այլևս Սահմանադական դատարանը գոյություն չի ունենա և այս սահմանադրական բարեփոխումների ծրագրով ցանկանում են իրենց ձևով ստեղծած ճգնաժամի հարցը լուծել»,-ասաց Իշխանյանը:
Իրավապաշտպանի կարծիքով՝ հիմա հրատապ կարգով կազմվում է նոր կազմով Սահմանադրական դատարան, որտեղ իշխանությունը կունենա մեծամասնություն և հավանություն կտան նոր սահմանադրական բարեփոխումներին, իսկ ՍԴ այն անդամները, որոնք կողմ կլինեն փոփոխություններին, կլինեն Գերագույն դատարանի անդամներ:
«ՍԴ-ի օրենսդրական անկախությունը մի կարևոր հարց էր լուծում, որ ՍԴ-ի ցանկացած որոշում վերջնական էր, իսկ հիմա, իհարկե, նույն ֆունկցիաները կարող են տալ Գերագույն դատարանին, բայց արդեն ենթադրում եմ, թե ինչ կազմ կարող է ունենալ Գերագույն դատարանը: Այն մարդիկ, որոնք կողմ կլինեն ՍԴ-ի փոփոխություններին, նրանց խոստացած կլինի Գերագույն դատարանի անդամ լինել: Ի վերջո, հարցի լուծումը մի տրամաբանություն ունի, իրենց համար վստահելի և իրենց ենթարկվող դատական համակարգ ստեղծել»,- ասաց նա Ավետիք Իշխանյանը:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է