FIDE Grand Prix. Լեւոն Արոնյանը ոչ ոքի խաղաց Պյոտր Սվիդլերի հետ

Շվեյցարիայի Ժնեւ քաղաքում շարունակվող FIDE Grand Prix երրորդ մրցաշարի 5-րդ տուրում Լեւոն Արոնյանը սպիտակներով միավորը կիսեց ռուս Պյոտր Սվիդլերի հետ: Պարտիան ավարտվեց 35-րդ քայլում:

5-րդ տուրից հետո 2 գրոսմայստերներն ունեն 3-ական միավոր: Տուրի բոլոր պարտիաները դեռ չեն ավարտվել:

Նախորդ 4 տուրերում հայկական շախմատի առաջատարը ոչ ոքի էր խաղացել չինացի Լի Չաոյի, ադրբեջանցի Թեյմուր Ռաջաբովի ու ռուսաստանցի Ալեքսանդր Գրիշչուկի հետ եւ հաղթել ռուսաստանցի Դմիտրի Յակովենկոյին:

Հուլիսի 11-ը մրցաշարում հանգստյան օր է: Հուլիսի 12-ին կայանալիք 6-րդ տուրի զույգերը դեռ հայտնի չեն:

Հիշեցնենք, որ 9 տուրով անցկացվող մրցաշարին մասնակցում են 18 շախմատիստներ:

NEWS.am Sport