Գյուլենականների որս Թուրքիայի 32 շրջաններում

Ստամբուլի հանրապետական գլխավոր դատախազության կողմից գյուլենականների դեմ տարվող հետաքննության շրջանակներում երկրի 32 շրջաններում իրականացվել են համաժամանակյա գործողություններ: Ընթացքում ձերբակալվել է 57 քաղաքացի:
Ըստ թուրքական «Sabah» թերթի կայքի՝ նրանց կասկածում են Թուրքիայում արգելված ByLock բջջային հավելվածից օգտվելու մեջ, որը հանդիսանում է գյուլենականնարի հաղորդակցման գաղտնի ցանցը:
Գործողության ընթացքում առգրավվել են մի շարք փաստաթղթեր և բջջային հեռախոսներ: Աղբյուրը չի տեղեկացնում, թե հիշյալ ոստիկանական օպերացիան մասնավորապես որ շրջաններում է կատարվել:
Հիշեցնենք, որ «Bylock» բջջային հավելվածը հնարավորություն է տալիս օգտատերերին հաղորդակցվել ծածկագրերի միջոցով: Ըստ թուրքական լրատվամիջոցների՝ այս հավելվածն օգտագործում են գյուլենականները՝ միմյանց հետ ծածկագրերով հաղորդակցվելու համար:
Աղբյուր` Ermenihaber.am