Եվրոպական խորհրդարանում Ադրբեջանի ջանքերը տապալվել են
Հուլիսի 5-ին Եվրոպական Խորհրդարանը ստրասբուրգյան լիագումար նիստի ընթացքում ձայների 457 կողմ, 124 դեմ եւ 66 ձեռնպահ հարաբերակցությամբ ընդունել է բանաձեւ՝ ՄԱԿ-ի Գլխավոր Վեհաժողովի 72-րդ նստաշրջանի կապակցությամբ Եվրոպական Խորհրդարանի կողմից ԵՄ Խորհրդին տրվող առաջարկությունների մասին:
Բանաձեւն անդրադառնում է մարդու իրավունքների, միջագային անվտանգության, ինչպես նաեւ գոյություն ունեցող հակամարտությունների վերաբերյալ մի շարք հարցերի: Ադրբեջանական կողմի ջանքերով բանաձեւի քննարկման վերջին փուլում առաջարկվել էր լրացում Լեռնային Ղարաբաղի հակամարտության վերաբերյալ՝ անթույլատրելի ձեւակերպումներով, որոնք միակողմանիորեն առանձնացնում էին տարածքային ամբողջականության եւ միջազգայնորեն ճանաչված սահմանների անքակտելիության սկզբունքները՝ դուրս թողնելով ժողովուրդների իրավահավասարության եւ ինքնորոշման իրավունքի սկզբունքը:
Այնուամենայնիվ, ԵՄ-ում ՀՀ մշտական ներկայացուցչության գործադրած ջանքերի շնորհիվ հնարավոր եղավ տապալել այս նախաձեռնությունը եւ բանաձեւի վերջնական տեքստում ամրագրել ինչպես Արցախի ժողովրդի ինքնորոշման իրավունքը, այնպես էլ ուժի չկիրառման սկզբունքը: Լիագումար նիստում տեղի ունեցած քվեարկության ընթացքում Արցախի ժողովրդի ինքնորոշման իրավունքի ամրագրման հայկական կողմի նախաձեռնությունը ստացավ Եվրոպական Խորհրդարանի պատգամավորների բացարձակ մեծամասնության ձայները:
ՆԳՆ ոստիկանությունը հորդորում է զերծ մնալ երեխաների հուզական վիճակը խաթարող տեսանյութեր հրապարակելու...
«Հանրամեդիա»․ Լրագրողների մի մասն ունի անպատժելիության կեղծ զգացողություն (տեսանյութ)
Իրանում մի քանի քաղաքական գործիչների են ձերբակալել՝ հունվարին բողոքի ակցիաների մասնակիցներին սատարել...
Երեւանում դպրոցներից մեկի ֆիզկուլտուրայի դահլիճում 11-ամյա երեխաները հրել և վայր են գցել համադասարան...
ԱՄՆ փոխնախագահը փետրվարի 9-10-ը պաշտոնական այցով կլինի Հայաստանում
Մենք ունենք հարաբերությունների նույն մակարդակը, ինչ նախորդ տարիներին, ինչը ցավալի է
Տեղի է ունեցել ՀՀ վարչապետի և ԱՄՆ փոխնախագահի ընդլայնված կազմով հանդիպումը (տեսանյութ)
Լիբանանի Տրիպոլի քաղաքում շենքերի փլուզման հետևանքով զոհերի թիվը հասել է 14-ի
Անցած տարվա ընթացքում Հեռուստատեսության և ռադիոյի հանձնաժողովը հարուցել է 84 վարչական վարույթ
Մեր հայրենակիցների սոցիալական աջակցության ծրագրերը շարունակվում և ընդլայնվում են