Մեկ տարում ու տասնամյակում Հայաստանում գրանցված իրավախախտումների դինամիկան
Տարեկան կտրվածքով դիտարկելու դեպքում հունվար-մայիս ամիսներին Հայաստանում գրանցված իրավախախտումների դինամիկան մի քիչ հուսադրող է։ Իհարկե հինգ ամիսն այն ժամանակահատվածը չէ, որով կարելի է եզրակացություն անել ընդհանուր տարվա մասին։ Բայց հույս կա, որ այդ առաջխաղացումը կշարունակվի։
Առաջխաղացումն ինքը, եթե դիտարկենք հարաբերական ցուցանիշներով, այդքան էլ զգալի չէ։ Եվ այսպես հունվար- մայիս ամիսներին գրանցված իրավախախտումների ընդհանուր քանակը տարեկան կրճատվել է 162 միավորով կամ 2 տոկոսով։ Ընդ որում դրական տեղաշաժ է եղել իրավախախտումների կառուցվածքում՝ կրճատվել է ծանր (4․7 տոկոսային կետով) ու առանձնահատուկ ծանր (0․1 տոկոսային կետով) հանցագործությունների մասնաբաժինը։ Նվազ ծանր իրավախախտումների մասնաբաժինը աճել է 4․3 տոկոսային կետով ու հասել գրեթե 52 տոկոսի։
Իրավախախտումների կառուցվածքում նախկինի պես գերակշռում են սեփականության դեմ հանցագործությունները։ Դրանց մասնաբաժինը մեկ տարում թեթևակիորեն նվազել է ՝ 0․5 տոկոսային կետով ու կազմել 41 տոկոս հաշվետու ժամանակահատվածում։ Այդ խմբում բավականին շատ են քաղաքացիների սեփականության կողոպուտների դեպքերը։
Եվ այսպես հունվար-մայիս ամիսներին գրանցված իրավախախտումների ընդհանուր քանակում անձնական սեփականության առևանգման մասնաբաժինը կազմել է գրեթե 38 տոկոս։ Նկատենք, որ պաշտոնական վիճակագրության մեջ ներկայացվում է միայն գրանցված հանցագործությունների քանակը։ Այսինքն մանր գողությունները, որոնց հարցով քաղաքացիները նախընտրում են չդիմել իրավապահներին, մնում են հաշվարկից դուրս։ Այնպես որ իրականում նմանատիպ հանցագործությունների քանակն ավելի մեծ է պաշտոնական ցուցանիշից։
Իրավախախտումների պատկերը տրամագծորեն փոխվում է, եթե դիտարկենք ոչ թե մեկ տարվա, այլ տասնամյակի դինամիկան։ 2007-ի հունվար- մայիսի համեմատ՝ գրանցված իրավախախտումների ընդհանուր քանակը աճել է 2․2 անգամ։ Ընդ որում նվազ ծանր հանցագործությունների դեպքերն ավելացել են 4․1 անգա, իսկ միջին ծանրության հանցագործություններինը՝ գրեթե 2․5 անգամ։ Ուրախալի է միայն այն, որ 27 տոկոսով կրճատվել է ծանր հանցագործությունների քանակը։
2․3 անգամ ավելացել է անձնական սեփականության դեմ հանցագործությունների քանակը։ Նույնքան էլ աճել է քաղաքացիների սեփականության գրանցված կողոպուտների քանակը։ Ուշագրավ է, որ մեկ տասնամյակում բնակարանային թալանի քանակը չի փոխվել։ 10 տարի առաջ գրանցված է եղել 336 նման դեպք, իսկ հաշվետու ժամանակահատվածում մեկ միավորով քիչ՝ 335 դեպք։
ՆԳՆ ոստիկանությունը հորդորում է զերծ մնալ երեխաների հուզական վիճակը խաթարող տեսանյութեր հրապարակելու...
«Հանրամեդիա»․ Լրագրողների մի մասն ունի անպատժելիության կեղծ զգացողություն (տեսանյութ)
Իրանում մի քանի քաղաքական գործիչների են ձերբակալել՝ հունվարին բողոքի ակցիաների մասնակիցներին սատարել...
Երեւանում դպրոցներից մեկի ֆիզկուլտուրայի դահլիճում 11-ամյա երեխաները հրել և վայր են գցել համադասարան...
ԱՄՆ փոխնախագահը փետրվարի 9-10-ը պաշտոնական այցով կլինի Հայաստանում
Մենք ունենք հարաբերությունների նույն մակարդակը, ինչ նախորդ տարիներին, ինչը ցավալի է
Տեղի է ունեցել ՀՀ վարչապետի և ԱՄՆ փոխնախագահի ընդլայնված կազմով հանդիպումը (տեսանյութ)
Լիբանանի Տրիպոլի քաղաքում շենքերի փլուզման հետևանքով զոհերի թիվը հասել է 14-ի
Անցած տարվա ընթացքում Հեռուստատեսության և ռադիոյի հանձնաժողովը հարուցել է 84 վարչական վարույթ
Մեր հայրենակիցների սոցիալական աջակցության ծրագրերը շարունակվում և ընդլայնվում են