Ալիևը խորապես սխալվում է Հայաստանի ապագայի իր «կանխատեսումներում»
Երեկ շատերն արձագանքեցին Ալիեւի ելույթին, որտեղ նա ռազմատենչ հայտարարություններ է արել Հայաստանի եւ ՀՀ իշխանությունների հասցեին։ Hraparak.am-ը հետաքրքրվել է, թե դրա հետ կապված ինչ է մտածում «Հայրենիք» կուսակցության ղեկավար, ԱԱԾ նախկին տնօրեն Արթուր Վանեցյանը։
Նա ասաց․ «Ադրբեջանի նախագահ Իլհամ Ալիեւի վերջին հայտարարությունները վկայում են հարեւան երկրում ստեղծված բարդ իրավիճակի մասին։ Նավթի համաշխարհային գների փլուզումն էական ռիսկեր է պարունակում այդ երկրի ընդհանուր կայունության եւ իշխող ռեժիմի համար։
Ահագնացող խնդիրներից հանրության ուշադրությունը շեղելու համար Ադրբեջանի նախագահը փորձում է խեղաթյուրել թե՛ իր ժողովրդի, թե՛ հայ ժողովրդի, թե՛ տարածաշրջանի ողջ պատմությունը։
Ալիեւի գնահատականները մեր անկախ պետության նախորդած տասնամյակներին ցավալիորեն համընկնում են Հայաստանի գործող իշխանությունների գնահատականների հետ, եւ մեզ համար հենց այդտեղ է վտանգը։ Իսկ Ալիեւի հերթական հոխորտանքների ինտենսիվությունը միշտ էլ կապվում է նավթի գների հետ։
Ինչ վերաբերում է Հայաստանի նորագույն պատմությանը, ապա այն, բոլոր բացթողումներով եւ սխալներով հանդերձ, պետականության կայացման եւ հաղթանակի պատմություն է։ Եվ Ալիեւի ու Փաշինյանի՝ ժամանակ առ ժամանակ համընկնող դիրքորոշումը չի կարող փոխել պատմական ճշմարտությունը։
Ալիեւը խորապես սխալվում է Հայաստանի ապագայի իր «կանխատեսումներում»․ Հայաստանն առաջիկայում կարողանալու է հաղթահարել բոլոր ներքին դժվարությունները, Հայաստանի այսօրվա իշխանությունների ոչ խելամիտ կառավարման պատճառով ծագած խնդիրները հաջողությամբ չեզոքացվելու են, եւ մեր երկիրը գնալու է զարգացման, պետականության ուժեղացման եւ համերաշխության ճանապարհով։
Ցանկացած ոք, ով մեր երկրի հասցեին հնչեցնում է սպառնալիք, պետք է հստակ գիտակցի, որ ներքին, քաղաքական հակասությունները արտաքին վտանգի առաջ վերանում են, եւ հայ ժողովուրդը՝ իր բոլոր ռեսուրսներով, դառնում է մեկ բռունցք՝ պատրաստ նոր հաղթանակների»։
«Հրավիրում եմ Մինսկի խմբի համանախագահների ուշադրությունը․ Ալիեւի անհարգալից հայտարարությունները՝ Հայաստանի եւ նրա իշխանությունների հասցեին, միտում ունեն խաթարել խաղաղ բանակցությունների ընթացքը»։
Կորցրած գումարներ՝ ուշացող արդարություն
Նոր կանոններ Yandex Go-ի վարորդների և ծառայությունից օգտվող քաղաքացիների համար
ՆԳՆ ոստիկանությունը հորդորում է զերծ մնալ երեխաների հուզական վիճակը խաթարող տեսանյութեր հրապարակելու...
Երեւանում դպրոցներից մեկի ֆիզկուլտուրայի դահլիճում 11-ամյա երեխաները հրել և վայր են գցել համադասարան...
Ասում են՝ մենք էլ մտնենք ԹՐԻՓՓ, անեիք, 100 տարի է այստեղ եք. Ալեն Սիմոնյանը՝ ՌԴ պաշտոնյաներին
27-ամյա երիտասարդի մեքենայում խոշոր չափի թմրամիջոց է հայտնաբերվել. Երևանի քրեական ոստիկանների բացահա...
Իրանում մի քանի քաղաքական գործիչների են ձերբակալել՝ հունվարին բողոքի ակցիաների մասնակիցներին սատարել...
«Հանրամեդիա»․ Լրագրողների մի մասն ունի անպատժելիության կեղծ զգացողություն (տեսանյութ)
ԵՄ-ն զիջումներ է ուզում Մոսկվայից, այլ ոչ թե Կիևից․ Կայա Կալաս
Ավիահարվածներով և պատերազմով Իրանում ռեժիմի փոփոխություն չի լինի