COVID-19-ի բուժման համար դեքսամետազոնի փորձարկումները դարձել են գիտական բեկում

Առողջապահության համաշխարհային կազմակերպությունը (ԱՀԿ) «գիտական բեկում» է անվանել բրիտանական RECOVERY կլինիկական հետազոտության արդյունքները, որոնց համաձայն՝ դեքսամետազոնի ցածր չափաբաժնով ստերոիդային բուժումը նվազեցնում է կորոնավիրուսով հիվանդների շրջանում մահացությունը: Այս մասին ասված է ԱՀԿ-ի պաշտոնական էջում։

«Սա առաջին բուժումն է, որի արդյունքները ցույց են տալիս COVID-19-ով հիվանդների շրջանում մահացությունների նվազում»,- ասված է կազմակերպության գլխավոր տնօրեն Թեդրոս Ադհանոմ Ղեբրեյեսուսի հայտարարության մեջ:

«Սա հիանալի նորություն է, և ես շնորհավորում եմ Մեծ Բրիտանիայի կառավարությանը, Օքսֆորդի համալսարանին, ինչպես նաև բազմաթիվ բրիտանական հիվանդանոցներին և հիվանդներին, որոնք նպաստել են կյանքի փրկմանն ուղղված այս գիտական առաջընթացին»,- ասված է նրա հայտարարության մեջ։

Օքսֆորդի համալսարանի պրոֆեսոր Պիտեր Հորբիի խոսքով՝ դեքսամետազոնը «առաջին դեղամիջոցն է, որը ծանր հիվանդների բուժման համար արդյունավետություն է ցույց տվել»:

Մասնագետները պարզել են, որ դեքսամետազոնը երեք անգամ նվազեցնում է թոքերի արհեստական օդափոխման սարքի կարիք ունեցող հիվանդի մահանալու վտանգը: Իսկ թթվածնի կարիք ունեցողների պարագայում մահվան վտանգը հնգակի է կրճատվում:

Հետազոտողները պնդում են, որ եթե այս դեղամիջոցը համավարակի սկզբից ի վեր օգտագործվեր կորոնովիրուսով հիվանդներին բուժելու համար, մինչև 5000 կյանք փրկված կլիներ:

Այս դեղամիջոցը մեծապես կարող է օգտակար լինել աղքատ երկրներում, որտեղ մեծ է կորոնավիրուսով հիվանդների թիվը:

Գիտափորձի շրջանակում, որը ղեկավարել են Օքսֆորդի համալսարանի մասնագետները, շուրջ 2000 հոսպիտալացված հիվանդի դեքսամետազոն է տրվել: Այնուհետև նրանց բուժման ընթացքը համեմատվել է ևս 4000 հիվանդի տվյալների հետ, որոնք այս դեղամիջոցը չեն ստացել:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը