Ինչպե՞ս է շոգն ազդում սրտանոթային համակարգի վրա
Ցուրտ եղանակը չափազանց վտանգավոր է սրտանոթային հիվանդություններով տառապող մարդկանց համար. անոթների նեղացման հետեւանքով նրանք կարող են բախվել մի շարք խնդիրների եւ բարդությունների: Սակայն շոգը եւս առողջության համար մի շարք վտանգներ է պարունակում:
Սրտաբան Գայանե Աղաբաբյանը լրագրողների հետ հանդիպման ժամանակ նշեց, որ շոգը հաճախ հանգեցնում է զարկերակային ճնշման անկման. շոգի պատճառով ճնշումը հաճախ ընկնում է, որը կարող է գլխապտույտների եւ նույնիսկ ուշաթափության պատճառ դառնալ, հատկապես հիպերտոնիկների դեպքում, որոնց օրգանիզմը բարձր ճնշմանը «վարժվել» է:
Հիպերտոնիկներին, որպես կանոն, խորհուրդ է տրվում կանոնավորապես դեղերն ընդունել, այլ ոչ թե միայն այն ժամանակ, երբ ճնշումը բարձրանում է: Շոգին, սակայն, այս կանոնում կարող են բացառություններ արվել. ամռանը հիպերտոնիկներին խորհուրդ է տրվում դեղն ընդունելուց առաջ ճնշումը չափել` եթե այն ցածր է, կարելի դեղի ընդունումը բաց թողնել: Անկախ ամեն ինչից` հիպերտոնիկներին խորհուրդ է տրվում ամառային եւ ձմեռային ամիսներին ճնշմանը ուշադիր հետեւել:
Մասնագետներից շատերը պնդում են, որ սաստիկ շոգին սրտանոթային համակարգի խնդիրներ ունեցող մարդկանց մոտ սրտի կծկումների հաճախականությունը մեծանում է, ծայրամասային անոթները լայնանում են, ոտքերն այտուցվում:
Դրանից բացի, շոգին մեծանում է թրոմբների առաջացման հավանականությունը: Ջերմաստիճանի մինչեւ 30°С մեծացման դեպքում քրտնարտադրությունը 4-5 անգամ մեծանում է: Եթե շոգին մարդը ֆիզիկական աշխատանքով է զբաղվում, ապա քրտնարտադրությունն էլ ավելի է մեծանում: Արդյունքում` եթե օրգանիզմը բավարար քանակով հեղուկ չի ստանում, այն արագ ջրազրկվում է, իսկ արյունը խտանում է: Հենց այս պատճառով շոգին խորհուրդ է տրվում որքան հնարավոր է ջուր շատ խմել, այն կօգնի ջրազրկումից խուսափելուն: Խորհուրդ է տրվում զգուշություն պահպանել միայն մի շարք հիվանդություններով (այդ թվում` ծանր սրտային անբավարարությամբ եւ հիպերտոնիայով) տառապող մարդկանց, որոնց ջրի առատությունը հակացուցված է:
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Վանաձորի մի շարք հասցեներում գազանջատումներ կլինեն
Հայաստանում ամառային հանգիստը որքանո՞վ է հասանելի միջին ընտանիքին
Երբ Իրանը գալիս է մեր բանակցողների մոտ, նրանք խոսում են միայն կանխիկի մասին. Ուոլց
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Ջրափրկարարները քաղաքացուն անվնաս դուրս են բերել ափ
Գեղարքունիքի մարզում կասեցվել է գազավորված ըմպելիքների արտադրամասի գործունեությունը․ ՍԱՏՄ
Գազամատակարարման ընդհատումներ Մասիս քաղաքի մի շարք հասցեներում