Կիեւում ավտոմեքենայի պայթյունն ահաբեկչություն են որակել
Ուկրաինայի ներքին գործերի նախարարությունը Կիեւում ավտոմեքենայի պայթյունն ահաբեկչություն է որակել։ Դրա հետեւանքով Ուկրաինայի Զինված ուժերի զինծառայող է զոհվել։ Այս մասին հաղորդել է Ուկրաինայի ՆԳՆ հաղորդակցման վարչության պետ Արտյոմ Շեւչենկոն։
«Մեկ մարդ է զոհվել, զինծառայող՝ ծնված 1978 թվականին։ Տվյալ պահին առկա հանցագործության պատկերի համաձայն՝ ակնհայտ է, որ պայթուցիկ սարք է գործարկվել»,- 112.ua-ի եթերում հայտարարել է նա՝ հավելելով, որ հայտնի չէ, թե ինչ սարք է գործարկվել։
Շեւչենկոն նաեւ նշել է, որ ամեն ինչ մատնանշում է, որ դա «ծրագրված ահաբեկչական ակտ է»։ «Կիեւի ոստիկանության քննիչները հենց այդ հոդվածով են քրեական գործը ներառել մինչդատական նախաքննությունների միասնական ռեեստրում»,- ասել է նա՝ ընդգծելով, որ զինծառայողից բացի, տուժել է եւս մեկ մարդ, սակայն նրա կյանքին վտանգ չի սպառնում։
Ուկրաինական «Օբոզրեւատել» պարբերականի տվյալներով՝ զոհվածը Ուկրաինայի ՊՆ հետախուզական վարչության հատուկ նշանակության ջոկատի պետ Մաքսիմ Շապովալովն է։
Mercedes մակնիշի ավտոմեքենան Կիեւում պայթել է երեքշաբթի առավոտյան՝ Սոլոմենսկ եւ Ալեքսեեւսկայա փողոցների հատման կետում։
ՆԳՆ ոստիկանությունը հորդորում է զերծ մնալ երեխաների հուզական վիճակը խաթարող տեսանյութեր հրապարակելու...
«Հանրամեդիա»․ Լրագրողների մի մասն ունի անպատժելիության կեղծ զգացողություն (տեսանյութ)
Իրանում մի քանի քաղաքական գործիչների են ձերբակալել՝ հունվարին բողոքի ակցիաների մասնակիցներին սատարել...
Երեւանում դպրոցներից մեկի ֆիզկուլտուրայի դահլիճում 11-ամյա երեխաները հրել և վայր են գցել համադասարան...
ԱՄՆ փոխնախագահը փետրվարի 9-10-ը պաշտոնական այցով կլինի Հայաստանում
Մենք ունենք հարաբերությունների նույն մակարդակը, ինչ նախորդ տարիներին, ինչը ցավալի է
Տեղի է ունեցել ՀՀ վարչապետի և ԱՄՆ փոխնախագահի ընդլայնված կազմով հանդիպումը (տեսանյութ)
Լիբանանի Տրիպոլի քաղաքում շենքերի փլուզման հետևանքով զոհերի թիվը հասել է 14-ի
Անցած տարվա ընթացքում Հեռուստատեսության և ռադիոյի հանձնաժողովը հարուցել է 84 վարչական վարույթ
Մեր հայրենակիցների սոցիալական աջակցության ծրագրերը շարունակվում և ընդլայնվում են