Թեսթավորման սպասող ՀՀ քաղաքացիները եւ Նիկոլի Մոլլի շունը

Նիկոլ Փաշինյանը ինստագրամյան հրապարակել է փոքր դստեր՝ Արփիի լուսանկարը, որտեղ երեխան ստետոսկոպ սարքով ստուգում է շան ինքնազգացողությունը։ «Արփին փորձում է որոշել, թե արդյոք Մոլլին դրական է»,- գրել է Փաշինյանը։

Թվում է արտառոց ոչինչ չի եղել է, բայց միայն առաջին հայացքից: Արփին ստուգում է, թե Մոլլին կորոնավիրուս է, թե՝ ոչ: Սա էլ է նորմալ: Երեխա է եւ խաղում է իր հասակակից մյուս երեխաների նման: Լավ է անում խաղում է, բայց լավ չի անում Փաշինյանը, որ երեխային օգտագործում է իր վարկանիշի համար: Լավ չի անում Փաշինյանը, որ Մոլլի շանը կամա, թե ակամա դնում է նույն հարթության մեջ մեզ՝ ՀՀ քաղաքացիների հետ: Հատկապես այն քաղաքացիների, որոնք հիվանդ են, որոնք կասկածում են, որ հիվանդ են եւ ամեն ինչ անում են, որ թեթավորվեն, որ թոքերի ստուգում անցնեն, որ նորմալ բուժստուգում անցնեն:

Հերթական անգամ համոզվեցինք, որ պետությունը լրջության պակաս ունի: հերթական անգամ համոզվեցինք, որ երկիրը ղեկավար, որպես այդպիսին չունի: Այդ ինչքա՞ն ժամանակ ունի Փաշինյանը, որ ժամեր է անցկացնում ֆեյսբուքում, տեղադրում տարատեսակ լուսանկարներ, լուսանկարում Արփիին եւ այն հրապարակում:

Փաշինյանն այս ամենի փոխարեն պետք է օգնություն խնդրի Ռուսաստանից, Չինաստանից, Վրաստանից, Ֆրանսիայից, Իտալիայից, ԱՄՆ-ից, բայց ֆեյսբուքում լայվեր եւ գրառումներ անելուց հետո շտապում է ճեպազրույցի, հետո նորից ֆեյսբուք եւ այսպես շարունակ: Անլրջություն, որին հայաստանյան պետությունը երբեք չէր բախվել:

Հակոբ Ասատրյան

Top-News.am