Սիմոն Մարտիրոսյանը երիտասարդների աշխարհի չեմպիոն

Տոկիոյում ընթացող ծանրամարտի աշխարհի երիտասարդական առաջնությունում այսօր առաջինը մրցասպարեզ մտան +90 կգ քաշային աղջիկները:

Մեր մարզուհի Արփինե Դալալյանը երկամարտում ցույց տվեց 234 կգ (100+134) արդյունք եւ զբաղեցրեց 4-րդ հորիզոնականը։ Նա երրորդ տեղը գրաված էկվադորցի ծանրորդից հետ մնաց 12 կիլոգրամով:

Աշխարհի չեմպիոն դարձավ չինուհի Յոնչժի Սունը, որը պարզապես մրցակցությունից դուրս էր երկու վարժություններում՝ 281 կգ (130+151):

Իսկ առաջնությունն ավարտվեց Հայաստանի ներկայացուցիչ Սիմոն Մարտիրոսյանի վստահ հաղթանակով:

Մեր +105 կգ քաշային ծանրոդը երկամարտում ցույց տվեց 426 կգ (191+235) արդյունք եւ վստահ զբաղեցրեց 1-ին հորիզոնականը։ Նա երկրորդ տեղը գրաված վրացի Գիորգի Չխնեիձեին գերազանցեց 20 կիլոգրամով:

Այդպիսով, Հայաստանի երիտասարդ ծանրորդները Ճապոնիայից կվերադառնան մեկ ոսկե եւ երկու բրոնզե մեդալով: