Վրաստանի հոգևոր առաջնորդը մեղադրել է ադրբեջանական հեռուստաընկերություններին` սրբապղծության մեջ

Վրաստանի հոգևոր առաջնորդը մեղադրել է ադրբեջանական ATV և ARB հեռուստաընկերություններին էթիկական նորմերի խախտման և հավատացյալ վրացիների զգացմունքները վիրավորելու մեջ: Նորին Սրբություն Համայն Վրաստանի Կաթողիկոս-Պատրիարք Իլյա Երկրորդի զայրույթն առաջացրել են այն տեսանյութերը, որոնք արվել են վրացական եկեղեցիներից մեկում այդ հեռուստաալիքների կողմից: Պատրիարքարանը դրանք ուղղափառ եկեղեցին վիրավորող է որակել:
Խոսքը գնում է ARB հեռուստաալիքի եթեր գնացած «Ֆերնանդոն քաղաքում» ծրագրի մասին, երբ կադրերից մեկում երիտասարդ տղամարդն անվայելուչ տեսքով բարձրացել է եկեղեցու խորան և կատարել Ֆրանց Շուբերտի «Ավե Մարիան»: Նշվում է, որ դա արդեն երկրորդ դեպքն է, երբ այդ հուշակոթողի նկատմամբ նման վերաբերմունք է դրսևորվում:
Վրաստանի հոգևոր առաջնորն արդեն դիմել է Ադրբեջանի աշխարհիկ և հոգևոր առաջնորդներին կոչով միջոցներ ձեռնարկել վերացնելու նման վերաբերմունքը վրացական սրբատեղիների նկատմամբ:

Zham.am