Հետխորհրդային շրջանում երեխաների նկատմամբ ֆիզիկական բռնությունը փոխարինվում է հոգեբանական ճնշումներով
Հետխորհրդային շրջանում հայ ընտանիքներում երեխաների նկատմամբ ֆիզիկական բռնությունն աստիճանաբար նվազել է եւ փոխարինվել ավելի շատ հոգեբանական ճնշումներով։ Այս մասին NEWS.am-ի հետ զրույցում ասաց հոգեբան Արմինե Մանուկյանը։
«Ֆիզիկական պատժամիջոցները ավելի հաճախ կիրառվում էին 1970-1990-ական թվականներին: Բայց երբ երկրում փոխվեց հասարակական կարգը, դաստիարակչական մեթոդները նույնպես փոխվեցին»,- ասաց Մանուկյանը:
Ըստ հոգեբանի՝ երեխաների նկատմամբ բռնությունը ավելի հաճախ հանդիպում է սոցիալապես անապահով ընտանիքներում եւ գյուղական շրջաններում։
«Ռիսկի խմբում են հիմնականում դեռահասները, քանի որ նրանք ավելի ակտիվ են իրենց դրսևորում՝ փորձելով ամեն կերպ պաշտպանել սեփական «ես»-ը և լսելի դարձնել իրենց կարծիքը»,- ասաց Մանուկյանը։
Հոգեբանի խոսքով՝ մանկության տարիներին բռնության ենթարկված երեխաները հետագայում իրենք էլ հակված են լինում բռնության, հասունացման տարիքում կարող են դառնալ դաժան և չափազանց ագրեսիվ շրջակա միջավայրի և հասարակության նկատմամբ:
Երեխաների հոգեբանության վրա ազդում են մի շարք այլ գործոններ՝ ընտանիքի սոցիալ-տնտեսական կարգավիճակը, լիարժեք ընտանիքի բացակայությունը․ «Խոպան մեկնելու երևույթը կարող է վատ անդրադառնալ երեխայի ինքնակայացման վրա, քանի որ նա մեծանում է ոչ լիարժեք ընտանիքում»:
Երեխաների հոգեբանության վրա բացասաբար է ազդում ոչ միայն բռնությունը, այլեւ ծնողների չափից դուրս հոգատար վերաբերմունքը, ինչը բնորոշ է հայ ընտանիքներին։ Բացասական գործոնների շարքում հոգեբան Վլադիմիր Կարապետյանն առանձնացնում է նաեւ սերիալային մշակույթի ազդեցության աճը հայ ընտանիքներում. «Երեխաները նմանակում են այն, ինչ տեսնում են էկրանին, դառնում են ագրեսիվ»:
Հիշեցնենք, որ «Սոցիոմետր» սոցիոլոգիական կենտրոնը հրապարակել էր Հայաստանում անցկացված սոցհարցման արդյունքները, ըստ որոնց՝ հայ ծնողների մոտ 60%-ը կողմ է արտահայտվել երեխաների նկատմամբ ֆիզիկական բռնության կիրառմանը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները