Իսպանուհին 28 տարի կույր է ձևացել, որպեսզի ստիպված չլինի բարևել մարդկանց

Իսպանիայի մայրաքաղաք Մադրիդում բնակվող Կարմեն Խիմենեսը տարիներ շարունակ իրեն կույր է ձևացրել, քանի որ հոգնել էր մարդկանց «բարև» ասելուց, ում իրականում չէր ցանկանում ողջունել:

Ինչպես ներկայացնում է Oddity Central-ը, 28 տարի առաջ իսպանուհին բոլորին, անգամ իր ընտանիքի անդամներին հայտնել է, որ ամբողջությամբ կորցրել է տեսողությունը աչքի լուրջ վնասվածքի պատճառով:

57-ամյա Կարմենը միայն վերջերս է բացահայտել իր խաբեությունը` հայտնելով, որ այդ ողջ ընթացքում հիանալի տեսողություն է ունեցել: Այս բացահայտումը շոկի է ենթարկել նրա հարազատներին, թե նրանք միշտ էլ ինչ-որ կասկածներ են ունեցել նրա հանկարծական հիվանդության շուրջ:

Նրանք երբեմն նկատում էին, որ կինը փորձում է հեռուստացույց նայել աչքի ծայրով: Բացի այդ նա միշտ ներկայացել է կատարյալ խնամված տեսքով:

Բացի ընտանիքի անդամներին բացատրություն տալուց, Կարմենը կանգնած է նաև իրավական խնդիրների առաջ, քանի որ գրանցված է եղել որպես կույր անձնավորություն և հատուկ ֆինանսական օգնություն է ստացել:

tert.am