Հարձակվել են խաղատան վրա՝ զոհվել է 36 մարդ

Ֆիլիպինների մայրաքաղաք Մանիլայում խաղատան վրա հարձակման հետեւանքով 36 մարդ է զոհվել: Այս մասին CNN-ին հաղորդել են տեղական ոստիկանությունում: Զոհվածների մեծ մասը խեղդվել է հրդեհի հետեւանքով սրահում կուտակված ծխից: Ավելի քան 50 մարդ բուժօգնության է դիմել:

DW-ի փոխանցմամբ՝ ավելի վաղ Ֆիլիպինների ոստիկանությունը հայտնել էր անհայտ տղամարդու մահվան մասին, որն էլ իրականացրել էր հարձակումը: Զինված տղամարդը ներխուժել էր խաղատուն եւ կրակ բացել, ինչպես նաեւ սկսել էր հրդեհել խաղային սեղանները:

Իրավապահները նաեւ հաղորդել են, որ տղամարդը մարդկանց չի թիրախավորել: Հարձակումից հետո ԻՊ-ն հայտարարել է, որ ստանձնում է կատարվածի պատասխանատվությունը: Սակայն Ֆիլիպինների ոստիկանությունը կարծում է, որ դեպքը պարզապես գողության անհաջող փորձ էր:

news.am