Ռուսաստանն արտաքսել է 5 մոլդովացի դիվանագետի՝ Քիշնևի գործողություններին ի պատասխան

Ռուսաստանն արտաքսում է հինգ մոլդովացի դիվանագետ ի պատասխան Քիշնևի համանման գործողություններին: Այդ մասին ասված է ՌԴ ԱԳՆ հաղորդագրությունում, հայտնում է «ՌԻԱ Նովոստի»-ն:

Դիվանագետներին հրահանգվել է հեռանալ Ռուսաստանից երեք օրվա ժամկետում: Ընդ որում գերատեսչությունում հույս են հայտնել, որ Քիշնևը կգիտակցի Ռուսաստանի նկատմամբ իր ոչ բարեկամական գործողությունների անարդյունավետությունը և գործընկերության սկզբունքներին և փոխադարձ վստահությանը հակասող ձեռնարկված քայլի ապակառուցողական բնույթը:

Մոլդովայում Ռուսաստանի դեսպանատունը երկուշաբթի նոտա է ստացել հինգ ռուս դիվանագետի անցանկալի անձ հայտարարելու մասին: Ինչպես հայտարարել է Մոլդովայի վարչապետ Պավել Ֆիլիպը, որոշումը կայացվել է հատուկ ծառայություններից ստացված տեղեկատվության հիման վրա:

tert.am