Քաբուլում պայթյունի հետեւանքով 90 մարդ է մահացել. Վիրավորվել են դիվանագետներ ու լրագրողներ

Աֆղանստանի մայրաքաղաք Քաբուլում այսօր՝ մայիսի 31-ին, նախագահական նստավայրից եւ դեսպանատների շենքերից ոչ հեռու հզոր պայթյուն է որոտացել, որի հետեւանքով զոհերի թիվը հասել է 90-ի, 380 մարդ վիրավորվել է, վնասվել են բազմաթիվ շենքեր:

Մասնավորապես, մահացել են բրիտանական BBC կորպորացիայի, աֆղանական Tolo TV հեռուստաալիքի աշխատակիցները, Գերմանիայի դեսպանատան աֆղան աշխատակիցը: Վիրավորների թվում են Իրանի դեսպանը, Ճապոնիայի դեսպանատան երկու աշխատակիցներ, Եգիպտոսի դեսպանատան անվտանգության աշխատակիցը, Գերմանիայի դեսպանատան ծառայողները եւ լրագրողներ:

Աֆղանստանի ՆԳՆ-ի տվյալներով ռումբը տեղադրված է եղել ջուր տեղափոխող ավտոցիստեռնի մեջ: Դեռեւս որեւէ ահաբեկչական խմբավորում իր վրա չի վերցրել տեղի ունեցածի պատասխանատվությունը:

«Իրանի դեսպան Մոհամադ Ռեդա Բարհամին վիրավորվել է, լրջորեն վնասվել է դեսպանատան շենքը»,-գրել է իրանական «Իատիմադ» թերթը:

NEWS.am