Ամերիկացիները հայտարարել են սուպեր հակաբիոտիկ ստեղծելու մասին
Ամերիկացի գիտնականները վանկոմիցին հակաբիոտիկի տարատեսակ են ստեղծել, որն ունակ է պայքարել սուպերբակտերիաների դեմ. օրգանիզմների, որոնք չեն ենթարկվում բուժման ավանդական մեթոդներին: Համապատասխան հետազոտությունը հրապարակվել է Proceedings of the National Academy of Sciences ամսագրում:
Գիտնականները նշում են, որ այդ հակաբիոտիկը բժիշկները նշանակում են արդեն 60 տարի, բայց բակտերիաները նրա նկատմամբ դիմակայելու ունակություն ձեռք են բերել միայն հիմա: Այն քանդում է բակտերիաների բջիջների պատերը, փոխում է բակտերիայի բջջային մեմբրանի թափանցելիությունն ու ՌՆԹ-ի սինթեզը: Վանկոմիցինի նոր տարբերակը մանրէի վրա ազդում է երեք անկախ մեխանիզմներով, ինչի պատճառով բակտերիաները չեն հասցնում պաշտպանվել նրանից: Եթե անգամ նրանք կարողանան պաշտպանություն ստեղծել նման մեխանիզմներից մեկի համար, միեւնույն է, կոչնչանան մյուս երկուսի գործունեությունից, ասում է Սքրիփսի գիտահետազոտական ինստիտուտի (TSRI) քիմիկոս Դեյլ Բոուջերը: Նրա խոսքով՝ մոդիֆիկացված դեղորայքի նույն չափաբաժինն ավելի մեծ ազդեցություն է ունենում, քան նախկինը:
Գիտնականներն արդեն դեղամիջոցը փորձարկել են էնտերոկոկերի վրա, ընդ որում՝ վանկոմիցինի նոր տարբերակը ոչնչացրել է անգամ այն բակտերիաները, որոնք դիմակայություն էին դրսեւորում հակաբիոտիկների նկատմամբ: Հետագայում գիտնականները մտադիր են օպտիմալացնել վանկոմիցինի ստացման պրոցեսը, քանի որ ներկայում դեղամիջոցի սինթեզը 30 փուլ է անցնում: Բայց սա խնդրի դյուրին մասն է՝ մոլեկուլի նախագծման առաջնահերթ խնդրի հետ համեմատ, ասում է Բոուջերը:
Հակաբիոտիկի այս կատարելագործված «տարբերակի» հիմնական խնդիրը դեռեւս մնում է նրա արտադրության բարդությունը. այն ներառում է 30 տարբեր փուլ եւ բավական բարդ ռեակցիաներ: Այնպես որ՝ մասնագետներն ապագայում պետք է մոդիֆիկացված վանկոմիցինի սինթեզման ավելի արդյունավետ միջոց մշակեն:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները