Քաբուլում պայթյունի հետևանքով վիրավորվել է Իրանի դեսպանը

Աֆղանստանում Իրանի դեսպանը վնասվածքներ է ստացել հուժկու պայթյունի հետևանքով, որը որոտացել է այսօր Քաբուլում նախագահական նստավայրի և Գերմանիայի ու Իրանի դեսպանատների հարևանությամբ: Այս մասին հաղորդում է «ՌԻԱ Նովոստի»-ն:
«Իրանի դեսպան Մոհամադ Ռեդա Բարխամին վերքեր է ստացել, վնասվել է դեսպանության շենքը», - մեջբերում է սկզբնաղբյուրի տվյալները լրատվական գործակալությունը: Նշվում է,
որ դեսպանության մնացած դիվանագետներն ու աշխատակիցներն «անվնաս» են:
Հաղորդվում է նաև, որ վնասվածքներ են ստացել Իրանի ռադիոյի եւ հեռուստատեսության և «ԻՌՆԱ» պետական լրատվական գործակալության շենքերը: Պայթյունը, նախնական տվյալներով, տեղի է ունեցել Քաբուլում Իրանի դիվանագիտական ներկայացուցչության շենքից հարյուր մետր հեռավորության վրա:
Վերջին տվյալներով, պայթյունի հետևանքով զոհվել է 80 և վիրավորվել ավելի քան 350 մարդ:
Zham.am