Մի անմեղ բան ասեմ. Նախկին փոխոստիկանապետը՝ Սահմանադրական դատարանի շուրջ ստեղծված իրավիճակի մասին

Նախկին փոխոստիկանապետ Հովհաննես Քոչարյանը Facebook_ի իր էջում անդրադարձել է ՍԴ-ի շուրջ ստեղծված իրավիճակին:

Նա, մասնավորապես, գրել է. «Մի անմեղ բան ասեմ․

Սահմանադրական մարմինների, այդ թվում սահմանադրական դատարանի սահմանադրական լիազորությունների ժամկետի կրճատումը գործող սամանադրությամբ հնարավոր է, բայց՝ հանրաքվեով /նկատի չունեմ սահմանադրական հանրաքվեն/ ։

Ընդ որում՝ հանրաքվեի դրվող իրավական ակտի նախագծի սահմանադրականության նախնական ստուգում սահմանդրական դատարանի կողմից չի պահանջվելու։ Սահմանադրության 168-րդ հոդվածի 2-րդ կետի համաձայն սահմանադրական դատարանը մինչև Սահմանադրության փոփոխությունների նախագծի, ինչպես նաև հանրաքվեի դրվող իրավական ակտերի նախագծերի ընդունումը որոշում է դրանց համապատասխանությունը Սահմանադրությանը։ Սահմանադրության 169-րդ հոդվածի 2-րդ մասի ուժով Սահմանադրության 168-րդ հոդվածի 2-րդ կետով սահմանված դեպքերում Սահմանադրական դատարան դիմում է Ազգային ժողովը` Սահմանադրության փոփոխությանը, վերպետական միջազգային կազմակերպություններին անդամակցությանը կամ տարածքի փոփոխությանը վերաբերող հարցերով:

Քաղաքացիական նախաձեռնության կարգով հանրաքվեի դրվող օրենքի նախագծի հարցով Սահմանադրական դատարան է դիմում քաղաքացիական նախաձեռնության լիազոր ներկայացուցիչը: Այսինքն ՝ Սահմանադրությունը սահմանել է հարցերի այն շրջանակը, որոնց առիթով հանրաքվե նախաձեռնելու դեպքում անհրաժեշը է հանրաքվեի դրվելիք իրավական ակտի նախագծի սահմանադրականության նախնական ստուգումը։

Սահմանադրության 204-րդ հոդվածի 3-րդ մասը ամրագրում է, որ հանրաքվեի չեն կարող դրվել այն օրենքների նախագծերը, որոնք վերաբերում են սահմանադրական օրենքների իրավակարգավորման առարկային, պետական բյուջեին, հարկերին, տուրքերին, այլ պարտադիր վճարներին, համաներմանը, պետության պաշտպանությանը և անվտանգությանը, միջազգային պայմանագրերին, ինչպես նաև Հանրաքվեի մասին օրենքով սահմանված այլ հարցերի: <<Հանրաքվեի մասին >> սահմանադրական օրենքով սահմանադրական մարմնի լիազորությունների ժամկետի կրճատման հարցը հանրաքվեի դնելու արգելք նախատեսված չէ ։ Ի դեպ՝ նույն օրենքի 2001թ խմբագրությամբ գործած տարբերակում այդպիսի արգելք սահմանված էր։

P.S Թերևս, խնդրի հանգուցալուծման այս տարբերակն է իմ կարծիքով իրավաբանորեն ճիշտ ու շահարկումներից պաշտպանված»: