«Իմաստը ո՞րն էր Սարհատ Պետրոսյանին նեղացնելու ու հեշտ ու հանգիստ համակարգից բաց թողնելու». Էդգար Առաքելյան
Իմաստը ո՞րն էր Կադաստրի կոմիտեի ղեկավար Սարհատ Պետրոսյանին նեղացնելու ու հեշտ ու հանգիստ համակարգից բաց թողնելու, եթե էն գլխից էլ պարզ էր, որ մարդը ճշգրիտ նկարագրում է քաղաքաշինության ոլորտում ստեղծված իրավիճակը ու դրա պատասխանատուներին: Ինչը եւ ապացուցվեց այդ կոմիտեի ղեկավարի այսօրվա ձերբակալության փաստով: Այս մասին Facebook-ի իր էջում գրել է ԱԺ «Իմ քայլը» խմբակցության նախկին պատգամավոր Էդգար Առաքելյանը:
Նա, մասնավորապես, նշել է. «Իմաստը ո՞րն էր ոստիկանապետի տեղակալ Հովհաննես Քոչարյանին նեղացնելու ու հեշտ ու հանգիստ համակարգից բաց թողնելու, եթե շատ չանցած հենց իր ասածով էլ վարվելու էին:
Առհասարակ, ինչպե՞ս կարելի է չգիտակցել, որ ցանկացած դրական փոփոխության շարժիչը պարկեշտ, պրոֆեսիոնալ, սեփական արժեհամակարգն ու պատկերացումներն ունեցող անհատներն են, այլ ոչ հլուհնազանդ միջակությունները: Եվ որ հետեւաբար այդպիսի մարդկանց աչքի լույսի նման պետք է փայփայել, որեւէ պաշտոնում վերադասի կամ գործընկերոջ հետ անհամատեղելի խնդիրների դեպքում` փոխատեղումներ կատարել, այլ տարբերակներ փնտրել, բայց ոչ երբեք անմիջապես հաշտվել նրանց հեռացման հետ, ինչին որ անընդհատ ականատես ենք լինում հեղափոխությունից հետո:
Բոլորս էլ գիտենք, որ լավ կադրերը մեր երկրի փողոցներում առանձնապես չեն «վխտում», գրեթե բոլոր ոլորտներում եւ հատկապես` պետական ու իրավապահ մարմիններում մասնագետների իրական սով է: Մեկ լավ կադր կորցնելու դեպքում բացը համալրելը կարող է շաբաթների, երբեմն նույնիսկ ամիսների գործ լինել, կամ էլ` առհասարակ անհնարին առաքելություն:
Բացի վերը նշված երկու պաշտոնյաներից ինձ համար խիստ ցավոտ են եղել նաեւ մի շարք փոխնախարարների հրաժարականները կամ ազատումները: Հատկապես որ նրանք ոչ միայն այլ պետական պաշտոնի դրանից հետո չեն անցել, այլեւ ինձ հասած տեղեկություններով` նույնիսկ սկսել են մտորել արտագաղթի մասին:
Չկարեւորել, մատների արանքով նայել կադրային քաղաքականությանը, ուշադրության չարժանացնել թիմակիցների անհանգստություններն ու մտահոգությունները` այդպիսով նրանց մոտ առաջացնելւվ անտեսված ու ճնշված հոգեվիճակ, նշանակում է ճանապարհ հարթել դեպի ձախողում: Ամեն ինչ այդքան տագնապալի չէր թվա, եթե կառավարող թիմի հնարավոր ձախողումը միայն իրենը լիներ, այլ ոչ մեր ամբողջ ժողովրդինը: Հետեւաբար օր առաջ պետք է արմատապես վերանայել մինչ այժմ եղած մոտեցումները:
Հ.Գ. Խնդրում եմ ասվածը չարտածել իմ անձի վրա եւ առհասարակ երեւակայական տեսություններ չերկնել սույն գրառման թաքնված շահադիտական մտադրությունների մասին: Ես զբաղվում եմ իմ սիրելի գործով եւ որեւէ այլ տեղ, քան ՏՏ-ն է, ինձ չեմ պատկերացնում: Գոնե` առայժմ»:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...