Չինաստանից վերադարձած ՀՀ քաղաքացիներին Կորոնավիրուսի թեստ չեն անցկացրել

Նորքի ինֆեկցիոն հիվանդանոցում Չինաստանից վերադարձած ՀՀ քաղաքացիներին հրաժարվել են կորոնավիրուսի ախտորոշման լաբորատոր թեստ անցկացնել՝ ասելով, որ մի քանի նախանշաններ միասին պետք է ունենան եւ ծանր վիճակում լինեն: Այս մասին իր ֆեյսբուքյան էջում ահազանգում է Չինաստանից 3 օր առաջ վերադարձած Գայանե Ապրունցը:

«Օդանավակայաններում բոլոր զննումներն անցնելով` երեք օր առաջ Չինաստանի Տիանժին քաղաքից վերադարձանք Հայաստան:

Չնայած Զվարթնոցում էլ մեզ հորդորեցին հանգիստ գնալ տուն և զուտ երկու շաբաթ զգույշ լինել այլ անձանց հետ շփումներից՝ մեկ օր անց որոշեցինք անցնել բուժզննում:

Այսօր ամբողջ օրը անցկացրեցինք Նորքի ինֆեկցիոն հիվանդանոցում:

Առավոտյան մեզ հեռախոսով ասացին, որ հիվանդանոցը դեռ չունի կորոնավիրուսի ախտորոշման լաբորատոր թեստերից, իսկ հիվանդանոցում պարզվեց, որ թեստերը նրանց համար են, ովքեր ունեն մի քանի նախանշաններ միասին եւ ծանր վիճակում են:

Այսինքն մայրս, ով երեկ ջերմում էր, այսօր ՝ հազում, պետք է սպասի, որ մի քանի նախանշաններ միասին ունենա, վիճակը վատթարանա: Ես կարծում եմ, թեստերը թանգարանային նմուշ չեն եւ գերնպատակ պետք է լինի ախտորոշել վիրուսը հնարավորինս արագ:

Հիվանդանոցի բժիշկները շատ բարեհամբույր էին, բայց իրենք էլ չգիտեին, թե ինչպես համակարգել եւ անցկացնել բուժզննումը:

Այնտեղ հավաքվել էինք 6 հոգով, մեկը ջերմում էր:

Բժիշկները կարծում էին, որ եթե մենք եկել ենք Չինաստանից ապա իրար համար վտանգ չենք ներկայացնում, եւ 6-իս էլ տարան նույն սենյակ:

Մոտ երկու ժամ սպասելուց հետո միասին անցանք ռենտգեն հետազոտություն, վերցրեցին անալիզներ:

Խնդիրն այն է, որ եթե մեզանից որեւէ մեկը լինի վարակակիր, ապա մյուս 5-ը եւս ռիսկային գոտում են:(այսօրվա բուժզննումից հետո :Ճ)

Ոչ մի պատասխան այսօր չստացանք, վաղը առավոտյան պետք է հանձնենք արյան անալիզ:

Տպավորություն է ստեղծվում, որ Հայաստանում վիրուսակիրներ չկան, որովհետեւ չեն ստուգվում:

Ռենտգենը եւ արյան անալիզը չեն կարող ախտորոշել Կորոնավիրուսը»,- գրել է նա:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը