Պետական մարմիններից պահանջել եմ, որ վիրահատությունը կազմակերպվի սահմանված ձևաչափով. ՄԻՊ Անահիտ Մանասյանը՝ Նարեկ Սամսոնյանի մասին
Ես ինքս պետական մարմիններից պահանջել եմ, որ վիրահատությունը կազմակերպվի սահմանված ձևաչափով: Այս պահին չեմ կարող հրապարակային տեղեկատվություն հաղորդել, եթե չեմ սխալվում՝ պետական մարմինները աշխատանքներ են իրականացրել այդ ուղղությամբ ու պետք է որ լինեն արդյունքներ: Մենք նույնպես միջամտել ենք ու պահանջել անհապաղ հարցի ուսումնասիրություն: Այս մասին լրագրողների հետ զրույցում ասել է ՄԻՊ Անահիտ Մանասյանը՝ պատասխանելով Նարեկ Սամսոնյանի վիրահատության մասին հարցին: «Երբ մենք խոսում ենք քաղաքացու կամ փաստաբանների կողմից տեղեկատվության մասին, շատ կարևոր է նաև երկրորդ կողմին լսել՝ հետագա բոլոր եզրահանգումները իրականացնելու համար»,- նշել է նա:
Հարցին, թե ինչու ՄԻՊ-ը չի այցելում Նարեկ Սամսոնյանին, Անահիտ Մանասյանը պատասխանեց, որ այցերն իրականացվում են բացառապես տեղեկատվություն ձեռք բերելու համար: «2025 թվականին Հայաստանում հացադուլ է հայտարարել շուրջ 200 անձ, հիմա ՄԻՊ ազգային հաստատությունների գործունեության մեթոդաբանությունն այն է, որ այցեր իրականացվեն բացառապես այն դեպքերում, երբ դա անհրաժեշտ է ՄԻՊ-ի լիազորություններին վերաբերելի տեղեկատվություն ձեռք բերելու համար: Օրինակ՝ անձը բողոքում է և ասում, որ ինքը բռնության է ենթարկվում ու խնդրում է մեզ գաղտնի եղանակով ասել այն, ինչ ուզում է, մենք միջամտենք իր իրավունքների իրացմանը. այս դեպքերում քաղաքացիներին այցեր իրականացվում են: Սեփական նախաձեռնությամբ այցեր իրականացնում ենք այն դեպքերում, երբ կարիք է լինում տեղեկատվություն ձեռք բերել»:
Անդրադառնալով Նարեկ Սամսոնյանի հացադուլին՝ Մանասյանը նշեց. «Հացադուլը անձի իրավունքն է և պետությունը իրավունք չունի անձին հարկադիր սնուցում իրականացնել: Խցային պայմանների հետ կապված հարցը մեր կողմից որպես պահանջ ներկայացված է պետական մարմնին՝ շուտափույթ լուծում ստանալու նպատակով»:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...
Երևանում մի քանի փողոցներում կփոխվի երթևեկության կազմակերպումը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար