Քարնին Անկարայի գագաթնաժողովում կհայտարարի ՆԱՏՕ-ի պաշտպանական բանկի ստեղծման մասին. Reuters
Կանադայի վարչապետ Մարկ Քարնին Անկարայում հուլիսի 7-8-ը կայանալիք ՆԱՏՕ-ի գագաթնաժողովում կհայտարարի պաշտպանական բանկի ստեղծման մասին, հաղորդում է Reuters գործակալությունը։
«Պաշտպանության, անվտանգության և կայունության բանկի» նպատակն է ամրապնդել դաշինքի անդամների պաշտպանունակությունը՝ մինչև 133 միլիարդ դոլար ներգրավելու միջոցով, որպեսզի ՆԱՏՕ-ի երկրներին և նրանց դաշնակիցներին տրամադրվի ցածր տոկոսադրույքներով վարկեր ռազմական նախագծերի ֆինանսավորման համար։ Կանադայի առաջին ներդրումը, ինչպես սպասվում է, կկազմի 1,5 միլիարդ եվրո։ Ավելի փոքր երկրները կվճարեն 500-750 միլիոն եվրո։
Reuters-ի տվյալներով՝ նոր բանկի հիմնադիր անդամ կդառնա ՆԱՏՕ-ի շուրջ 10 երկիր։ Գործակալությունը նշում է, որ Մեծ Բրիտանիան, Գերմանիան և Նիդեռլանդները չեն ցանկանում մասնակցել դրա ստեղծմանը։
Ապրիլին The Globe and Mail թերթը հաղորդել էր, որ «Պաշտպանության, անվտանգության և կայունության բանկի» կենտրոնակայանը կբացվի Կանադայի քաղաքներից մեկում՝ Վանկուվերում, Մոնրեալում, Օտտավայում կամ Տորոնտոյում։ Ենթադրվում է, որ դրա ծառայություններից կարող է օգտվել մինչև 40 պետություն։ Թերթի աղբյուրները չեն կարողացել պարզել, թե երբ կսկսի գործել բանկը, քանի որ դրա կանոնադրությունը դեռ պետք է հաստատվի բոլոր հիմնադիր երկրների կառավարությունների կողմից, ինչը «կտևի ամիսներ»։
Ալյասկայում Ուկրաինայի վերաբերյալ համաձայնություն չի եղել. Ռուբիո
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Հայաստանում կենսաթոշակառուների համար նոր հնարավորություններ են բացվում
Նպատակը՝ տրանսֆերային արժեքը հնարավորինս նվազեցնելն է
Վրաստանը կշարունակի իր պրագմատիկ քաղաքականությունը Ռուսաստանի հետ
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
Լավ տղան ընտրակաշառք չի վերցնի․ Գեղամ Նազարյան