Twitter-ը Թրամփի գլխավոր խնդիրն է

Ամերիկացի նախկին սենատոր Ռիկ Սանտորումը, ով հավակնում էր առաջադրվել ԱՄՆ նախագահական ընտրություններում Հանրապետական կուսակցության կողմից, սակայն պարտվեց Դոնալդ Թրամփին, հայտարարել է, որ Թրամփի աշխատակազմը կկարողանա նորմալ աշխատել, եթե նախագահը դադարեցնի մի բան՝ գրել Twitter-ում,– հաղորդում է BBC-ն։

«Եթե դու ամեն օր գրառում ես անում Twitter-ում եւ բողոքում ԶԼՄ–ներից, բողոքում ես քո նկատմամբ վերաբերմունքից, դու շեղվում ես եւ չես կարող նորմալ աշխատել։ Ահա թե ինչ եմ ես ուզում ասել»,– հայտարարել է Սանտորումը` CNN-ի առավոտյան հաղորդման եթերում։

«Վերջին ինը օրերը, ես հուսով եմ, որ նախագահին ցույց տվեցին, որ եթե չես շեղվում, հետեւում ես որոշակի սցենարի, կենտրոնանում ես քաղաքականության վրա, եւ աշխատում ես այն բաների ուղղությամբ, ինչի մասին խոսել ես նախընտրական քարոզարշավի ժամանակ, եւ ինչը դուր է եկել ամերիկացիներին, դու կարող ես հրաշալի նախագահ լինել»,– ավելացրել է նա։


Top-News.am