Չեռնոգորիայի վարչապետը վստահեցնում է, որ չի նեղացել Թրամփից

Չեռնոգորիայի վարչապետ Դուշկո Մարկովիչը հայտարարել է, որ չի էլ նկատել, թե ինչպես է ԱՄՆ նախագահ Դոնալդ Թրամփը հրել իրեն ՆԱՏՕ-ի գագաթնաժողովին մասնակցող քաղաքական գործիչներին խմբակային լուսանկարի համար նախապատրաստելու ժամանակ: Այս մասին հաղորդում է BBC-ն:

«Ես նույնիսկ չնկատեցի: Ես միայն տեսա սոցցանցերում դրան արձագանքը»,- լրագրողներին ասել է Մարկովիչը:

AP-ի փոխանցմամբ՝ կադրերում, որոնք ցուցադրում են համաշխարհային լրատվամիջոցներն ու ակտիվորեն տարածում սոցիալական ցանցերում, երեւում է, թե ինչպես է Թրամփն առաջ շարժվում ՆԱՏՕ-ի գագաթնաժողովի հյուրերի շարքերով եւ կոպտորեն մի կողմ հրում իր ճանապարհին հայտնված Չեռնոգորիայի վարչապետին: Դրանից հետո ԱՄՆ նախագահն ուղղում է պիջակն ու պաշտոնական տեսք ընդունում:

NEWS.am