Վաղ թե ուշ գալու է բիզնեսներ խլելու ու ռեկետի ժամանակը

Ես հասկանում եմ այն ընկերներիս, որոնք ասում են. «Էլ չենք դիմանում քաղաքական շիկացած մթնոլորտին, էլ չի լինում ՖԲ կարդալ, ջնջվում եմ, անֆոլոու եմ անում» և այլն։

Բայց հաշվի առեք, որ.

ա. FB-ն դադարել է լինել «վիրտուալ աշխարհ», այն արդեն սերտորեն ներաճել է իրական կյանքին։ Ֆեյքերի և զոմբիների գեներացրած ատելությունը միայն վիրտուալ տարածքում չէ, այն իրական մարդկանց գլխում է արդեն։ Ագրեսիվ զոմբիները նաև իրական կյանք ունեն։ Ուրիշի մահվան լուրին ծափ տվողները ձեր հարևաններն են ու գործընկերները։

բ․ Դուք գուցե չեք նկատել, բայց այսօր Հայաստանում օրենքներն արդեն չեն գործում, նույնիսկ ձևական։ Սա գումարելով Նիկոլի գեներացրած ատելության մթնոլորտին՝ կարող ենք ասել, որ արդեն կա այն «բարոյական ենթակառուցվածքը», որի հիման վրա իշխանությունները հանգիստ կարող են մարդկանց ձեռքից գույք խլել, բանտ նետել, ծեծել, նույնիսկ սպանել։ Կրկնում եմ՝ ենթակառուցվածքը պատրաստ է։

Այն պահից, երբ ենթակառուցվածքը կսկսեն շահագործել, մեզ բաժանում է ընդամենը մեկ միջադեպ։ Ընդ որում, եթե տեսնեն, որ ընդդիմությունը սադրանքների չի տրվում, հենց իրենք էլ կարող են կազմակերպել նման մի բեմականացում, իրենց ոջիլներից մեկից էշ նահատակ սարքեն։ Կամ, ասենք՝ կեղծ մահափորձ կազմակերպեն։ Չմտածեք, որ դրա հետևանքները վերաբերելու են միայն քաղաքական հակառակորդներին։ Վաղ թե ուշ գալու է բիզնեսներ խլելու ու ռեկետի ժամանակը, ինչպես Վրաստանում էր՝ Սաակաշվիլիի օրոք։

Առայժմ այսքանը։

Կարեն Վրթանեսյանի ֆեյսբուքյան էջից