«Ես ահազանգ եմ հնչեցնում. բարոյալքման այս անկումը կասեցնել է պետք». Նաիրա Զոհրաբյան
«Ես ահազանգ եմ հնչեցնում. բարոյալքման այս անկումը կասեցնել է պետք: Այս մասին Facebook-ի իր էջում գրել է ԱԺ ԲՀԿ խմբակցության պատգամավոր Նաիրա Զոհրաբյանը:
Նա, մասնավորապես, նշել է. «Ինձ վաղուց դադարել է զարմացնել մարդկային լկտիությունն ու ստորությունը: Ես վաղուց գիտեմ, որ այն սահման չունի: Բայց երբ տեսա, թե սպանված 16-ամյա աղջնակի հասցեին ինչ հայհոյանքներ և զազրելի մեկնաբանություններ են գրում, ի դեպ, հենց սպանված աղջկա ֆեյսբուքյան և ինսթագրամի էջերում, հասկացա, որ մենք այլևս ոչ թե անդունդի եզրին ենք, այլ վաղուց ատելության, չարության ամենակուլ անդունդի հատակում ենք:
Այս օրերին իմ լավ ընկերները`«Առավոտ» օրաթերթի խմբագիր Արամ Աբրահամյանը, «Արմքոմեդիի» Նարեկն ու Սերգեյը, գյումրեցի իմ բարեկամ Ռուբեն Մխիթարյանը, որոնց հետ քննարկում ենք հանրության մեջ ատելության, նեգատիվի այս լավայի դեմն առնելու իրավական ճանապարհները, գրեթե ամեն օր անդրադառնում են այս այլևս աղետալի խնդրին:
Իմ լավ բարեկամ Արամ, հիվանդ ու չկայացած մարդկանց հայհոյանքը մեր իսկ հասցեին մեր էջերում հրապարակելով մենք էս խնդիրը չենք լուծելու: Հավատա, հաստատ չենք լուծելու:
Մեր լավագույն հոգեբույժներից մեկն այն կարծիքին է, որ հասարակության մի զգալի հատված ուղղակի հիվանդ է և սոցիալական մեդիայի տիրույթը պարզապես ակնհայտ է դարձնում հոգեկան շեղումներ ունեցողների իրական թիվը, որը կատաստրոֆիկ մեծ է:
Մենք բոլորս խոսում ենք, զարմանում ենք, զարհուրում ենք, բայց եկեք ընդունենք, որ իրականում ոչինչ չենք անում. մենք` հանրային կարծիք ձևավորողներս և մեր ձեռքին իրավական լծակներ ունեցողներս` պատգամավորներս, լրագրողներս, իրական մավորականներս:
Ամեն օր տեսնելով, թե ինչպես է դեգրադացվում հանրության մի հատված, որը եթե չարության, ատելության, նեգատիվի իր օրական դոզան չի արտանետում ինչ-որ մեկի վրա` իրեն բավարարված չի զգում ու ամեն օր ընդամենը զարմանալով` մենք այս աղետը չենք կասեցնելու:
Ես որպես քացաքացի` ահազանգ եմ հնչեցնում ու ասում եմ` անլուծելի իրավիճակներ չկան, պարզապես խոսելու փոխարեն, էն մարդկանցով, ովքեր հասկանում են, թե իրականում ինչ կործանարար մարտահրավեր է ցանկացած երկրի համար հանրային ատելության այս գեներացիան, պետք է գնալ կոնկրետ առաջարկների և լուծումների ճանապարհով:
Իմ մի քանի մտավորական ընկերների հետ մենք որոշակի գաղափարներ արդեն ունենք` օրենսդրական լուծումների ճանապարհով և ոչ միայն: Պատրաստ ենք լսել ցանկացած գաղափար ու ադեկվատ առաջարկ: Սպանված աղջնակի հասցեին հայհոյանքի այս տարափը թող մեզանից յուրաքանչյուրի համար համբերության վերջին կաթիլը դառնա»:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...