Նիդերլանդների թագավորը ծածուկ որպես օդաչու է աշխատում
Նիդերլանդների թագավոր Վիլլեմ–Ալեքսանդրը խոստովանել է, որ գահին նստելուց հետո պարբերաբար ուղեւորափոխադրող ինքնաթիռ է վարել՝ առանց իր անձը բացահայտելու։ Արքան աշխատել է որպես երկրորդ օդաչու KLM-ի չվերթներում, իսկ ուղեւորները երբեմն ճանաչել են նրա ձայնը,– հաղորդում է BBC–ն։
Այն, որ Վիլլեմ–Ալեքսանդրը օդանավ է վարում, հայտնի էր դեռ նախքան նրա գահին բարձրանալը՝ 2013 թվականին։ Նա նստում էր համեմատաբար ոչ մեծ «Fokker 70»-ի ղեկին, որպես «հյուրընկալվող օդաչու», որպեսզի պահպաներ օդաչուի իր լիցենզիան։
Սակայն մինչեւ այժմ հայտնի չի եղել, որ, նաեւ թագադրումից հետո, Վիլլեմ–Ալեքսանդրը ամիսը երկու անգամ աշխատել է որպես երկրորդ օդաչու KLM-ի դուստր կազմակերպության՝ KLM Cityhopper-ի չվերթներում։
Այս չվերթի ուղեւորները, որպես կանոն, լինում են գործունյա մարդիկ, ովքեր ուղեւորվում են դեպի Բրիտանիա, Գերմանիա, Նորվեգիա եւ Եվրոպական այլ երկրներ։
«De Telegraaf» թերթին տված հարցազրույցում թագավորն ասել է, որ պատրաստվում է շարունակել այս գործը, իսկ ամռանը կուրսեր կանցնի, որպեսզի կարողանա ղեկավարել ավելի խոշոր օդանավ՝ Boing 737:
«Հաճելի կլիներ երբեւէ նոր ուղղություններով չվել, ուղեւորների ավելի մեծ քանակությամբ, ավելի հեռու ուղղություններով։ Իրականում ես հենց դրա համար էլ սովորում եմ վարել 737-ը»,– ասել է թագավորը։
Ավելի վաղ Վիլլեմ–Ալեքսանդրը ասել էր, որ եթե ծնված չլիներ պալատում, կուզենար ղեկավարել Boeing 747-ի կարգի մեծ ուղեւորափոխադրող ինքնաթիռ։
Նստելով օդանավի ղեկանիվին, թագավորը չէր տալիս իր անունը, երբ բարձրախոսով դիմում էր ուղեւորներին, քանի որ երկրորդ օդաչուն պարտավոր չէ ներկայանալ։ Բացի այդ, նրան դժվար էր ճանաչել KLM-ի համազգեստով եւ գլխարկով,– պատմել է ինքը՝ արքան։
«Առավելությունն այն է, որ ես միշտ կարող եմ ջերմորեն ողջունել ուղեւորներին հրամանատարի եւ անձնակազմի անունից։ Ես ստիպված չեմ տալ իմ անունը»,– ասել է նա։
Այնուամենայնիվ, նրա խոսքերով, որոշ ուղեւորներ հասկանում էին, թե ով էր գտնվում օդաչուի խցիկում։
Վիլլեմ–Ալեքսանդրը գահին է բարձրացել 2013 թվականին, այն բանից հետո, երբ նրա մայրը՝ թագուհի Բեատրիկսը հրաժարվեց գահից։ Այս տարվա ապրիլին Նիդերլանդների թագավորը դաձավ 50 տարեկան։
Կորցրած գումարներ՝ ուշացող արդարություն
Նոր կանոններ Yandex Go-ի վարորդների և ծառայությունից օգտվող քաղաքացիների համար
ՆԳՆ ոստիկանությունը հորդորում է զերծ մնալ երեխաների հուզական վիճակը խաթարող տեսանյութեր հրապարակելու...
Երեւանում դպրոցներից մեկի ֆիզկուլտուրայի դահլիճում 11-ամյա երեխաները հրել և վայր են գցել համադասարան...
«Հանրամեդիա»․ Լրագրողների մի մասն ունի անպատժելիության կեղծ զգացողություն (տեսանյութ)
Ասում են՝ մենք էլ մտնենք ԹՐԻՓՓ, անեիք, 100 տարի է այստեղ եք. Ալեն Սիմոնյանը՝ ՌԴ պաշտոնյաներին
Իրանում մի քանի քաղաքական գործիչների են ձերբակալել՝ հունվարին բողոքի ակցիաների մասնակիցներին սատարել...
27-ամյա երիտասարդի մեքենայում խոշոր չափի թմրամիջոց է հայտնաբերվել. Երևանի քրեական ոստիկանների բացահա...
Ավիահարվածներով և պատերազմով Իրանում ռեժիմի փոփոխություն չի լինի
ԵՄ-ն զիջումներ է ուզում Մոսկվայից, այլ ոչ թե Կիևից․ Կայա Կալաս