Պուտինը չի պատասխանել ՌԴ նախագահական ընտրություններին մասնակցելու մասին հարցին

Ռուսաստանի Դաշնության նախագահ Վլադիմիր Պուտինը Պեկինում կայացած մամուլի ասուլիսի ժամանակ չի պատասխանել 2018 թվականի նախագահական ընտրություններին մասնակցելու մասին հարցին, հայտնում է gazeta.ru-ն:

«Կես տարի առաջ, պատասխանելով գործընկերների հարցին, թե արդյոք մասնակցելու եք հաջորդ նախագահական ընտրություններին, Դուք ասացիք, որ այդ հարցին պատասխանելու համար պետք է ժամանակ անցնի»,- իր հարցը ձևակերպել է «Комсомольская правда»-ի լրագրողը:

Դրանից հետո նա հարցրել է նախագահին՝ «Արդյոք չի՞ անցել այդ ժամանակը»:

«Ո՛չ»,- կարճ պատասխանել է Պուտինը:

2016 թվականի սեպտեմբերին Պուտինը Bloomberg գործակալությանը տված հարցազրույցում հայտարարել էր, որ դեռ վաղ է խոսել այն մասին, թե արդյոք նա մասնակցելու է 2018 թվականին կայանալիք նախագահական ընտրություններին: Նման կերպ է նա պատասխանել նաև բնակչության հետ 2016 թվականի ապրիլի 14-ին կայացած «ուղիղ եթերի» ընթացքում:

tert.am