Մերկելի կուսակցությունը տարածաշրջանային ընտրություններում հաղթել է Սոցիալ–դեմոկրատներին

Գերմանիայի կանցլեր Անգելա Մերկելի Քրիստոնեա–դեմոկրատական միություն կուսակցությունը հաղթանակ է տարել տարածաշրջանային ընտրություններում,– գրում է «Der Spiegel»–ը։

ՔԴՄ տարածքային բաժանմունքը, Արմին Լաշետի գլխավորությամբ, Հյուսիսային Ռայն– Վեսթֆալենում հաղթանակ է տարել՝ հավաքելով ձայների 33%: Քվեարկությունը տեղի է ունեցել մայիսի 14-ին։

Ընտրություններում ՔԴՄ հիմնական մրցակիցը Գերմանիայի սոցիալ դեմոկրատական կուսակցությունն էր, որը հավաքել է 31,4%:
Մնացած կուսակցությունները ձայների զգալիորեն ավելի քիչ տոկոս են հավաքել. Ազատ դեմոկրատական կուսակցությունը՝ 12,6%, «Այլընտրանքներ Գերմանիայի համար» կուսակցությունը՝ 7,3%, Կանաչների կուսակցությունը՝ 6,3%, Ձախ կուսակցությունը՝ 4,9%:

Պետք է նշել, որ «Այլընտրանքներ Գերմանիայի համար» կուսակցությունը առաջին անգամ կկարողանա տեղեր զբաղեցնել տարածաշրջանային խորհրդարանում, ինչը չի կարելի ասել Ձախ կուսակցության մասին, որը չհաղթահարեց հինգ տոկոսանոց շեմը։

Այժմ տարածաշրջանում վարչապետի պաշտոնը զբաղեցնում է Լաշետը։ Այս ընտրություններում սա Սոցիալ–դեմոկրատական կուսակցության երրորդ պարտությունն էր՝ Շլեզվիգ–Հոլշտայնի եւ Զաարի տարածաշրջաններից հետո։

Top-News.am