Մամեդյարով. Խաղաղություն տարածքների դիմաց

Ադրբեջանի արտգործնախարար Էլմար Մամեդյարովը հնարավոր է համարում հանդիպումը ՀՀ արտգործնախարար Էդվարդ Նալբանդյանի հետ ղարաբաղյան հակամարտության կարգավորման շրջանակներում, հաղորդում է «Ինտերֆաքս Ադրբեջան»-ը:

Իր հերթին ՀՀ ԱԳ ղեկավար Էդվարդ Նալբանդյանը հայտարարել էր, որ հունիսին սպասվում է ԵԱՀԿ Մինսկի խմբի համանախագահների այցը տարածաշրջան, անհրաժեշտության դեպքում կարող է տեղի ունենալ նաև Հայաստանի և Ադրբեջանի արտգործնախարարների հանդիպումը:

«Դա հնարավոր է», - ասաց Մամեդյարովը, մեկնաբանելով Է. Նալբանդյանի հայտարարությունը:

«Ադրբեջանի, Հայաստանի և Ռուսաստանի արտգործնախարարների վերջին հանդիպումից հետո Մոսկվայում ինձ մոտ տպավորություն է ստեղծվել, որ խաղաղությունը հնարավոր է զորքերի դուրսբերման դիմաց կամ խաղաղություն տարածքների դիմաց՝ «land for peace» սկզբունքով: Բանակցային գործընթացի տրամաբանությունը վերջին 12 տարիներին հենց դա է», - ուշագրավ մանրամասներ հայտնեց Մոսկվայում կայացած արտգործնախարարների վերջին հանդիպումից Էլմար Մամեդյարովը:

Zham.am

Այս թեմայով «Ղարաբաղյան հակամարտության խաղաղ կարգավորումը Հայաստանի գլխավոր առաջնահերթությունն է». Ռուբեն Ռուբինյան Արցախի ՊԲ հրամանատարի ղեկավարությամբ անցկացվել է հավաք-խորհրդակցություն «Ղարաբաղյան հակամարտության կարգավորման համար հստակ ժամկետներ չենք դնում». Զախարովա (տեսանյութ) Արցախի Զինված ուժերը կհամալրվեն ժամանակակից զինտեխնիկայով. Բակո Սահակյան Բակո Սահակյանը մի շարք օրենքներ է ստորագրել