ԵՄ-ն կեղտոտ խաղ կխաղա Brexit-ի շուրջ բանակցություններում. Մեծ Բրիտանիայի ԱԳՆ

Բրյուսելը պատրաստվում է կեղտոտ խաղ խաղալ Մեծ Բրիտանիայի` Եվրամիությունից դուրս գալու վերաբերյալ Լոնդոնի հետ բանակցությունների ընթացքում: Այս մասին The Telegraph պարբերականի հրապարակած հարցազրույցում ասել է Միացյալ Թագավորության ԱԳ նախարար Բորիս Ջոնսոնը, հաղորդում է «ՏԱՍՍ»-ը:

«Նրանք (ԵՄ իշխանությունները) պատրաստվում են կեղտոտ խաղալ: Մենք պետք է շատ զգույշ եւ շատ շրջահայաց լինենք»,- նշել է նա:

Բացի այդ, Ջոնսոնը հայտարարել է, որ Մեծ Բրիտանիան իրավունք ունի ԵՄ-ից դուրս գալ` առանց Բրյուսելին փոխհատուցում վճարելու, որի ծավալը կարող է կազմել 80 մլրդ ֆունտ (103 մլրդ դոլար): «Մենք կարող էինք հեռանալ` առանց վճարումներ կատարելու: Թերեզա Մեյը ճիշտ է, որ Brexit-ի շուրջ համաձայնագրի բացակայությունն ավելի լավ է, քան վատ գործարքը»,- ասել է Ջոնսոնը:

 NEWS.am