Մարդը չի կարող ամենագետ լինի, բայց մարդը կարող է մի քիչ համեստ լինի

Նիկոլի կողմից հնչեցված մտքերի մի գերակշիռ մասը որ ոլորտին էլ դա առնչվի, եթե անցկացնես էքսպերտայի սքանի միջով խոտան է ցույց տալիս: Դա մասամբ նաև համաշխարհային պրակտիկա է, երբ երկրի թիվ առաջին դեմքերը բառիս բուն իմաստով ապուշություններ են դուրս տալիս: Դրա վառ օրինակը ԱՄՆ նախագահ Թրամփն է:Բայց ամերիկացիների դեպքում խնդիրը այդքան մեծ չէ, քանի որ երկրում կան պետական և հանրային կայացած ինստիտուտներ, հակակշիռների մեխանիզմներ և Թրամփը խելքին փչածը չի կարող անել: Ասում են թերուս և կիսագրագետ է եղել նաև Խրուշչևը, բայց նույնիսկ իր դեպքում գործել է հակակշռի մեխանիզմը ինչքանով, որ դա հնարավոր էր այդ համակարգի մեջ: Նիկոլի թերուս և ոչ կոմպետենտ լինելը երևում է ոչ միայն այն բնագավառում ուր ինքը կրթություն չի ստացել ասենք տնտեսագիտություն, ՏՏ ոլորտ, ռազմագիտություն այլ նույնիսկ իր սիրած հումանիտար ոլորտում:

Ասենք մարդը Հ. Թումանյանին վերագրում էր բաներ, որ նա չի ասել: Ղարաքիլիսայում վիրավորված Նժդեհին «տանում» էր Սարդարապատ ու Բաղրամյանի հետ ուսուսի «կռվեցնում» թուրքերի դեմ, Հայաստանը «տեղավորում» Կովկասում և այդպես շարունակ:Սակայն այս ամենը ինչպես ասում են «ցվիտոչկի»:

Օրերս Նիկոլից իմացանք, «Հիսուսի բարդույթի» մասին: Բանից «պարզվում» է, որ Հիսուսը իրեն տեր ու ծառա է զգացել ու հենց դրանում է եղել նրա «բարդույթը»: Մի երկիր ուր բնակչության ճնշող մեծամասնությունը իրեն քրիստոնյա է համարում այդ երկրի վարչապետը այդ կրոնի հիմնադրին համարում է «բարդույթավորված», այսինքն հոգեբանական խնդիրներ ունեցող: Հիմա կասեք չէ նա այդ նկատի չուներ այլ ուրիշ բան նկատի ուներ, բայց ի վերջո Նիկոլի թեթև լեզվով շրջանառվեց «Հիսուսի բարդույթը»: Ես հասկանում եմ, որ մարդը չի կարող ամենագետ լինի, բայց մարդը կարող է մի քիչ համեստ լինի ու խոսա իմացած բաներից և նաև իրեն չդնի ավտոմատ քանդող հավաքող «Ռեմբոյի» տեղ :