Փարիզյան կամուրջներից հանված «սիրո կողպեքներն» աճուրդի կդրվեն (ֆոտո)
Փարիզում վերջին տարիներին զբոսաշրջիկների շրջանում ձեւավորվել է նորաձեւ միտում՝ քաղաքին կամ մեկը մյուսին սիրահարված զբոսաշրջիկները կողպեքներ են կախում Սենայի կամոււրջների վրա, որպես հավատարմության ու իրենց մասին հիշատակի նշան։ Այդ նորաձեւությունը ստացել է cadenas d’amour «սիրո կողպեքներ» անվանումը, հայտնում է RFI-ն։ Կամուրջներից կախված հազարավոր զնգզնգացող մետաղական կողպեքները, որոնց վրա գրված են սիրահարների անունների առաջնատառերը, լրջորեն մտահոգել են փարիզյան քաղաքապետարանին, այդ նորասեղծ նորաձեւությունը կարող էր դառնալ հին հուշարձանային կամուրջների փլման պատճառ։
2015-ի հունիսին Փարիզի քաղաքապետարանը վճռել է վերջնականապես ազատվել կամուրջներից կախված այդ կողպեքներից։ Միայն քաղաքի կենտրոնում գտնվող Արվեստների կամուրջից 45 տոննա մետաղ է հանվել։ Այդ կամուրջն ամենաշատն էր տուժել սիրահարներից՝ դրա ճաղաշարքն արդեն այնքան էր ճկվել ծանրությունից,որ ստիպված են եղել այն փոխարինել ապակյա ճաղաշարքով։ Սակայն սիրահարները հաջողացնում են նույնիսկ ապակուն կողպեքներ կպցնել։ Ոստիկանությանը թույլատրվել է հանել բոլոր նորահայտ կողպեքները։
Հանված կողպեքները հանձնել են որպես ջարդոն։ Սակայն քաղաքապետարանի աշխատակիցները մտածել են, որ այդ սիրո վկայությունների ձուլվածքը պետք է որեւէ խորհրդանշական գործածում ստանա։ Նրանք կամուրջի ճաղաշարից մի քանի կտոր են սղոցել, ու դրանք դարձրել ժամանակակից արվեստի ստեղծագործություններ։
Մայիսի 10-13-ը այդ ճաղերի կտորները ու առանձին կողպեքները ցուցադրվում են Crédit Municipal de Paris-ի շենքում, որտեղ նաեւ աճուրդներ են կազմակերպվում։ Մեծ ու փոքր, ճանգոտած ու նոր՝ այստեղ հարյուրավոր կողպեքներ են ցուցադրված։ Իսկ մայիսի 13-ին կկազմակերպվի աճուրդ, որի ընթացքում վաճառքի կդրվի փարիզյան կամուրջներից հանված15 ճաղավանդակ, նաեւ 150 կողպեքներ։ Այդ արտասովոր հուշանվերները հնարավոր կլինի գնել 150-200 դոլարով։ Իսկ ճաղավանդակի մասերը կվաճառվեն 10 հազար եվրոյով։ Կողպեքներով ամենամեծ ճաղավանդակի քաշը 500 կգ է, իսկ երկարությունը՝ 3․20 մ։


















































Կորցրած գումարներ՝ ուշացող արդարություն
Նոր կանոններ Yandex Go-ի վարորդների և ծառայությունից օգտվող քաղաքացիների համար
ՆԳՆ ոստիկանությունը հորդորում է զերծ մնալ երեխաների հուզական վիճակը խաթարող տեսանյութեր հրապարակելու...
Երեւանում դպրոցներից մեկի ֆիզկուլտուրայի դահլիճում 11-ամյա երեխաները հրել և վայր են գցել համադասարան...
«Հանրամեդիա»․ Լրագրողների մի մասն ունի անպատժելիության կեղծ զգացողություն (տեսանյութ)
Ասում են՝ մենք էլ մտնենք ԹՐԻՓՓ, անեիք, 100 տարի է այստեղ եք. Ալեն Սիմոնյանը՝ ՌԴ պաշտոնյաներին
Իրանում մի քանի քաղաքական գործիչների են ձերբակալել՝ հունվարին բողոքի ակցիաների մասնակիցներին սատարել...
27-ամյա երիտասարդի մեքենայում խոշոր չափի թմրամիջոց է հայտնաբերվել. Երևանի քրեական ոստիկանների բացահա...
Ավիահարվածներով և պատերազմով Իրանում ռեժիմի փոփոխություն չի լինի
ԵՄ-ն զիջումներ է ուզում Մոսկվայից, այլ ոչ թե Կիևից․ Կայա Կալաս