Արտակարգ դեպք՝ Արմավիրի մարզում. 26-ամյա տղան 13-ամյա աղջնակին BMW-ով առեւանգելուց հետո վթարի է ենթարկվել

SHAMSHYAN.com-ի տեղեկություններով՝ հոկտեմբերի 22-ին արտակարգ դեպք է տեղի ունեցել Արմավիրի մարզում։ Ժամը 14։50-ի սահմաններում ոստիկանության Վաղարշապատի բաժին ահազանգ է ստացվել, որ Տարոնիկ գյուղի իր տան բակից 13 տարեկան աղջկան ավտոմեքենայով փախցրել են։ Նշված վայր են ժամանել ոստիկանության Վաղարշապատի բաժնի օպերատիվ խումբը։

Ոստիկանները կարճ ժամանակում պարզում են, որ նշված ավտոմեքենան BMW մակնիշի ավտոմեքենա է, որով առեւանգել են նույն գյուղի բնակիչ 13-ամյա Ն. Խ-ին։ Վաղարշապատի ոստիկանության քրեական հետախուզության եւ համայնքային ոստիկանության բաժանմունքների ծառայողները պարզել են, որ երեխային առեւանգել է 26-ամյա Արթուր Դ․-ն՝ իր ընկերոջ՝ 24-ամյա Ռաֆայել Հ․-ի հետ։ Արմավիրի մարզի ոստիկանները պարզել են նաեւ, որ BMW-ն վարել է Ռաֆայել Հ․-ն, որը նույն օրը Առատան գյուղի վարչական տարածքում վթարի է ենթարկվել եւ ավտոմեքենան թողնելով դեպքի վայրում՝ հեռացել է։ Փաստի առթիվ ոստիկանության Վաղարշապատի բաժնի հետաքննչական բաժանմունքում նյութեր են նախապատրաստվում։

Այս թեմայով Շտապօգնության ավտոմեքենան Թեղուտի մոտ կողաշրջվել է. բուժքույրը տեղափոխվել է հիվանդանոց Մшհվան ելքով վրաերթ՝ Երևանում Վիճաբանություն և ծեծկռտուք Սյունիքի մարզում․ կան վիրավորներ Նուբարաշենում բռնկված հրդեհի հետևանքով այրվածքներ ստացած եղբայրներից մեկը մահացել է 15-ամյա տղան վնասվածք է ստացել սառած գետնի վրա սայթաքելու և կոտրված ապակյա շշերի վրա վայր ընկնելու հետևանքով