Նիկոլ Փաշինյանին քննադատողների խումբը ոչ թե տասն է, այլ հազար
Լրագրող Թաթուլ Հակոբյանը որոշել է Նիկոլ Փաշինյանին քննադատողներին բաժանել խմբերի, իսկ թե ինչու, դժվար է ասել: Նա քննադատողներին բաժանել է տասը խմբի, թեեւ կարելի էր բաժանել հարյուրի, հազարի, բայց հարցը խմբերի թիվը չէ, այլ հենց բաժանումը:
Խմբերի բաժանելուց առաջ Թաթուլ Հակոբյանը պնդում է, թե չնայած հետհեղափոխական ցնցությունը չկա, բայց Փաշինյանի վարկանիշը մնում է բարձր: Եթե տասը տոկոսը կամ տասնհինգը Հակոբյանի համար բարձր վարկանիշ է, ապա համաձայն ենք նրա հետ, բայց իրականում, եթե վարչապետի վարկանիշը բարձր լիներ, ապա չէր լինի նրան քննադատողներին խմբերի բաժանելու ցանկությունը:
Հիմա համառոտ քննադատողների խմբերի մասին: Թաթուլ Հակոբյանը պնդում է, թե Փաշինյանին քննադատում են Ռոբերտ Քոչարյանի կողքին գտնվողները, Սերժ Սարգսյանին սատարողները, Սահմանադրական դատարանի նախագահի դեմ իրականացվող գործողություններից դժգոհողները, Արցախի իշխանություններն ու նրանց համակիրները, դաշնակցականները եւ Սփյուռքի որոշ շրջանակներ, Միքայել Մինասյանի շրջապատը, Հայ Առեաքելական Եկեղեցին, նրանք, ովքեր միշտ են քննադատել, անգամ մինչ վարչապետ դառնալը, նրանք, ովքեր պաշտոնի ակնկալիք ունեին, բայց հուսախաբ եղան, կիրթ եւ լավ աշխատանք ունեցողները կամ կարենկարապետյանականները, ինչպես նաեւ նախագահ Արմեն Սարգսյանի կողմնակիցները:
Եւ ի՞նչ: Սա միայն պետք է մտահոգի Փաշինյանին եւ նրա աջակիցներին, քանի որ բոլոր այս խմբերում ներկայացվածները շատ լուրջ, ազդեցիկ, գիտելիքներով եւ փորձով հարուստ, այս երկրի կայացման համար մեծ վաստակ ունեցող եւ պետության ներկայով ու ապագայով մտահոգ մարդիկ են:
Եթե խմբերը թվարկում են նրա համար, փորձելով տպավորություն ստեղծել, թե չարժե ուշադրություն դարձնել Հայ Առաքելական Եկեղեցու, քոչարյանականների, դաշնակցականների, մյուսների քննադատություններին, ապա այստեղ էլ հենց թաքնված է գործող իշխանությունների ամենամեծ եւ լուրջ սխալը:
Եթե դուք կարծում եք, որ ձեր հենարանը գիրք չկարդացած պողոսներն են, ապա հավատացեք, վաղը կամ մյուս օրը ձեզ պողոսների ամբողների ձեռքից փրկելու են վերոհիշյալ տասը խմբերում գտնվող կիրթ եւ գրագետ, պետական մտածողություն ունեցող մարդիկ:
Ի դեպ, Թաթուլ Հակոբյանը քննադատողների խմբերին չի ավելացրել նրանց, որոնց թյուրիմացաբար փաշինյանականները դեռ համարում են իրենց հենարանը: Նրանք արդեն հիասթափված են եւ վաղուց արդեն Նիկոլի աջակիցներ չեն: Ձեզ մի խաբեք ֆեյսբուքում ֆեյքերի առատությամբ: Նրանք իրական կյանքում ոչինչ չեն կարող փոխել:
Վարդան Մխիթարյան
Top-News.am
Եվ վերջապես, տասներորդ խումբը նախագահ Արմեն Սարգսյանի շրջապատն է. քննադատության հարցում այս խումբը ամենից զգույշն է և հաշվենկատը: Եթե քննադատում է, ապա անուղղակի: Նրանք բացահայտ հայտարարություններ չեն անում Փաշինյանի հասցեին՝ հասկանալով, թե ինչ կարգավիճակ ունի նախագահ Սարգսյանը, ընդ որում թե՛ սահմանադրորեն, թե՛ իրական կյանքում:
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Տոկաևը ընդունել է Թրամփի հրավերը՝ միանալու Գազայի «Խաղաղության խորհրդին»
Տարիներ անց սովորական գործընթաց է լինելու, երբ Հայաստանից կամ Ադրբեջանից մեր քաղաքացիները կարողանալո...
Արամ Ա Վեհափառը քննարկել է Լիբանանում ստեղծված իրավիճակն ու հայ համայնքի դրությունը
Գագիկ Սարգսյանը հրաժարական է ներկայացրել Հայաստանի դահուկավազքի և սնոուբորդի ֆեդերացիայի նախագահի պա...
Նոր մանրամասներ Լուվրի կողոպուտի մասին