Հարուցված քրգործը ենթակա է կարճման, բայց Հայաստանի վրա բիծ է մնալու
Կողքից հայացքով և դիմումին ծանոթ լինելով՝ կարելի է ասել, որ հիմքերը բավականին թույլ են, և Հրայր Թովմասյանի նկատմամբ հարուցված քրեական գործը ենթակա է կարճման, Aysor.am-ի թղթակցի հետ զրույցում տեսակետ հայտնեց ԱԺ «Լուսավոր Հայաստան» խմբակցության պատգամավոր Տարոն Սիմոնյանն՝ անդրադառնալով Ազգային ժողովի պատգամավոր Արման Բաբաջանյանի հաղորդման հիման վրա ՀՔԾ-ում քրեական գործ հարուցելու հանգամանքին։
«Բայց արդյունքում Հայաստանի վրա բիծ է մնալու։ Ե՛վ միջազգային հանրությունում, և՛ Եվրախորհրդում խնդիր է լինելու այս ամենի «տակից դուրս գալը»։ Արդյունքում ոչ մի բանի չեն հասնելու, բայց միգուցեև քաղաքական հետապնդման հետքեր գտնեն։ Դրա համար այս ամնեի իմաստը չեմ հասկանում։ Եթե ի վերջո արդյունքի չեն հասնելու, ինչ են ուզում սրանով անեն։ Ամեն դեպքում, քրեական գործ է հարուցվել, մարդկանց կհարցաքննեն, և ենթադրում եմ՝ արդյունքում գործը կարճվելու է։ Քրեական հետապնդումը շարունակելու հիմքեր, ամեն դեպքում, ես չեմ տեսնում», - ասաց պատգամավորը։
Հիշեցնենք, ԱԺ անկախ պատգամավոր Արման Բաբաջանյանը պնդում է՝ Հրայր Թովմասյանը յուրացրել է Սահմանադրական դատարանի նախագահի պաշտոնը։
Պատգամավորը հոկտեմբերի սկզբին դիմում է ներկայացրել Գլխավոր դատախազություն՝ պահանջելով քրեաիրավական գնահատական տալ այդ «կոպտագույն իրավախախտումներին»: Իսկ Հատուկ քննչական ծառայությունն այսօր հաղորդել է, որ ՀՀ ԱԺ պատգամավոր Արման Բաբաջանյանի կողմից ՀՀ գլխավոր դատախազին հաղորդում է ներկայացվել մի խումբ պաշտոնատար անձանց կողմից պետական իշխանությունը յուրացնելու առերևույթ հանցագործության դեպքի կապակցությամբ:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է