Համազգային պայքարի փոխարեն ականատես ենք դառնում ընտրյալների պայքարի
Համահայկական հիմնադրամի նախկին տնօրեն Արա Վարդանյանը գրում է․
«Գեներալ Բալասանյանի վերջին հարցազրույցից անմիջապես հետո մի թեզ մղվեց շրջանառության մեջ․ արդյո՞ք մեր հերոսական հաղթանակը կերտած գեներալներն իրավունք ունեն նման կոշտ ձևով արտահայտվելու, հասկացանք, որ պատերազմ են հաղթել, բայց դե հո կրակը չե՞նք ընկել։
Այդ հարցը բարձրացնողները չեն գիտակցում մեկ պարզ իրողություն․ մեր գեներալները և հերոսները կրկին հայտնվել են մարտի դաշտում։ Ինչի՞, ձեզ թվում է, որ մարտը միայն պարկուճով ու թնդանոթո՞վ է լինում։ Այսօր իրենք ստիպված ներքաշվել են հայրենիքը վերահաս վտանգից փրկելու գործին, բայց այս անգամ մարտը շատ ավելի բարդ է, քանզի այս անգամ մարդկանց մի մեծ զանգված չի հասկանում, թե ինչ է կատարվում, և համազգային պայքարի փոխարեն մենք ականատես ենք դառնում ընտրյալների պայքարի՝ հանուն բոլորի։ Այո՛, նույնիսկ այն մարդկանց, որոնք չեն ուզում հասկանալ կատարվողի վտանգավորությունը։
Գիտե՞ք՝ ինչն է մեր տարբերությունը հերոսներից։ Իրենք ունեն 6-րդ զգայարան և միշտ զգում են վերահաս վտանգը։ Նրանց քննադատելուց առաջ խորը վերլուծեք և հասկացեք՝ ինչ են ասում։ Ի վերջո, հասկացեք մեկ բան․ նրանց ոչ ոք չի վճարել հայրենիքը պաշտպանելու համար, և այդ ամենը արվել է միմիայն ազգային ու պետական շահերից ելնելով, մինչդեռ իրենք իրենց գովաբանող հեղափոխականներն այս կամ այն ապազգային ֆոնդից գումարներ են ստացել։Եվ վերջում ի՞նչ է ասում գեներալ Բալասանյանը. «Թույլ չենք տալու մեր պետությունը քանդել»։
Այո՛, թույլ չենք տալու»։
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է