«Ռեալի» նախագահի նվերը Ռոնալդուին (ֆոտո)

Մադրիդի «Ռեալի» նախագահ Ֆլորենտինո Պերեսը թիմի պորտուգալացի հարձակվող Կրիշտիանու Ռոնալդուին նվիրել է Արքայական ակումբում 400 գոլ խփելուն նվիրված մարզաշապիկ:

«Առանձնահատուկ նվաճում է «Ռեալում» 400 գոլ խփելը: Տպավորիչ եւ անսպասելի թիվ է: Սա ամբողջ թիմի աշխատանքի արդյունքն է: Այս նվաճումը լրացուցիչ խթան է միշտ պաշտպանել այս ակումբի գույները: Մենք ունենք հրաշալի թիմ եւ «Աթլետիկոյի» դեմ խաղում ապացուցեցինք, որ լավ մարզավիճակում ենք»,- Ռոնալդուի խոսքը մեջբերում է «Ռեալի» մամուլի ծառայությունը:

Հիշեցնենքն, որ Չեմպիոնների լիգայի կիսաեզրափակիչի առաջին խաղում «Ռեալը» «Աթլետիկոյին» հաղթել է 3:0 հաշվով: Ռոնալդուն դարձել է հեթ-տրիկի հեղինակ: Պատասխան հանդիպումը մայիսի 10-ին է:

news.am