Ալեքսանյանի եղբորորդին «սիմպոզիում» բառի նոր նշանակություն է հայտնագործել

«Հրապարակ» թերթը գրում է. «Ավագանու ընտրությունների քարոզարշավին նկատելիորեն ակտիվ է ՀՀԿ-ական գործարար-պատգամավոր Սամվել Ալեքսանյանի եղբորորդին՝ Մալաթիա-Սեբաստիա վարչական շրջանի երիտասարդ ղեկավար Արտակ Ալեքսանյանը (մականունը՝ Մաֆ)։ Օրեր առաջ նա իր հռետորական շնորհքն է ցուցադրել՝ հայտարարելով, որ ընտրությունները համեմատություն են անցյալի եւ ներկայի միջեւ։ Իսկ օրերս էլ մեկ այլ «գեղեցիկ» ճառ է արտասանել, որից հասկացվել է, որ թաղապետը «սիմպոզիում» բառի նոր նշանակություն է հայտնագործել։ Նա ասել է․ «Երեւանի քաղաքապետարանի ու ՄԱԿ-ի համատեղ աշխատանքների արդյունքում բարեկարգվեց Մալաթիայի պուրակ-այգին, որտեղ զարդարվեց գեղեցիկ սիմպոզիումներով»։ Հավանաբար, նկատի է ունեցել կոմպոզիցիաները»։

Մանրամասները` թերթի այսօրվա համարում: